महाराष्ट्राच्या सागरी हद्दीत घुसखोरी; कर्नाटकची ‘सुलतान’ नौका जप्त, दोनदा निसटलेल्या नौकेला तिसर्‍या प्रयत्नात पकडले

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

महाराष्ट्राच्या सागरी हद्दीत घुसखोरी; कर्नाटकची ‘सुलतान’ नौका जप्त, दोनदा निसटलेल्या नौकेला तिसर्‍या प्रयत्नात पकडले

टाईम्स स्पेशल

2026-11-03 00:00:00

टाइम्स स्पेशल

देवगड : महाराष्ट्राच्या सागरी हद्दीत घुसखोरी करून बेकायदा मासेमारी करणार्‍या परप्रांतीय नौकांविरोधात मत्स्यव्यवसाय विभागाने पुन्हा एकदा धडक कारवाई केली आहे. कर्नाटकातील मलप्पे बंदरातील ‘सुलतान’ ही ट्रॉलर नौका देवगडसमोरील समुद्रात बेकायदा ट्रॉलिंग पद्धतीने मासेमारी करताना पकडून जप्त करण्यात आली. २ नोव्हेंबर रोजी मध्यरात्रीच्या सुमारास ही थरारक कारवाई करण्यात आली. नौकेवर तांडेलसह एकूण सात खलाशी होते. जप्त करण्यात आलेली नौका देवगड बंदरात आणण्यात आली असून तिच्याविरोधात कायदेशीर कार्यवाही सुरू आहे. मत्स्यव्यवसाय मंत्री नितेश राणे यांच्या परप्रांतीय नौकांच्या घुसखोरीविरोधातील कठोर भूमिकेमुळे आणि विभागाच्या अधिकार्‍यांनी दाखविलेल्या चिकाटीमुळे ही कारवाई यशस्वी झाली असून स्थानिक मच्छिमारांमध्ये समाधान व्यक्त होत आहे. २ नोव्हेंबर २०२६ रोजी रात्री सुमारे ११ वाजण्याच्या सुमारास मत्स्यव्यवसाय विभागाचे पथक नियमित सागरी गस्त घालत असताना मुणगे समोरील समुद्रात किनार्‍यापासून सुमारे ५ ते ६ नॉटिकल मैल अंतरावर ‘सुलतान’ ही नौका वैध परवान्याशिवाय ट्रॉलिंग पद्धतीने मासेमारी करताना आढळून आली. विभागाच्या गस्ती नौकेला पाहताच संबंधित नौकेने तेथून पळ काढण्याचा प्रयत्न केला. मात्र, गस्ती पथकाने हार न मानता नौकेचा पाठलाग सुरू केला. अखेर देवगडसमोरील समुद्रात या नौकेला रोखण्यात आणि ताब्यात घेण्यात अधिकार्‍यांना यश आले.

https://ratnagiritimes.in//assets/images/2020/add/2020/sky22.jpg

महाराष्ट्र सागरी मासेमारी नियमन अधिनियम १९८१ आणि सुधारित अधिनियम २०२१ मधील तरतुदींनुसार संबंधित नौकेचा पाठलाग करून तिला ताब्यात घेत जप्त करण्यात आले. नौका सुरक्षितपणे देवगड बंदरात आणल्यानंतर रात्री उशिरापर्यंत तिच्यावरील कायदेशीर कार्यवाही सुरू होती. या संपूर्ण प्रकरणाचा सविस्तर अहवाल सहाय्यक आयुक्त, मत्स्यव्यवसाय, सिंधुदुर्ग यांच्याकडे सादर करण्यात येणार आहे. जप्त करण्यात आलेल्या नौकेचे नाव ‘सुलतान’ असून तिचा नोंदणी क्रमांक IND-KA-02-MM-6335 असा आहे. श्रीमती गुलफाम अब्दुल मुनाफ या नौकेच्या मालक असून त्या पुत्तूर, जिल्हा उडुपी, कर्नाटक येथील रहिवासी आहेत. या नौकेचा परवाना केवळ विशेष आर्थिक क्षेत्रासाठी (एएन) वैध असल्याची माहिती समोर आली आहे. त्यामुळे महाराष्ट्राच्या सागरी हद्दीत मासेमारी करण्याचा अधिकार नसतानाही नौका येथे मासेमारी करत असल्याचे स्पष्ट झाले आहे. मलप्पे बंदरातील नौकांकडून महाराष्ट्राच्या सागरी हद्दीत घुसखोरी करून मासेमारी केली जात असल्याने स्थानिक मच्छिमारांचे मोठे नुकसान होत असल्याच्या तक्रारी मालवण आणि देवगड परिसरातील मच्छिमारांनी मत्स्यव्यवसाय विभागाकडे केल्या होत्या. विशेषतः या नौकांकडून स्थानिक मच्छिमारांची जाळी वारंवार तोडली जात असल्याची तक्रार होती.

टाईम्स स्पेशल

महाराष्ट्राच्या सागरी हद्दीत होणारी परप्रांतीय नौकांची घुसखोरी आणि बेकायदा मासेमारी याविरोधात मत्स्यव्यवसाय मंत्री नितेश राणे यांनी सुरुवातीपासूनच कठोर भूमिका घेतली आहे. स्थानिक मच्छिमारांच्या हिताचे रक्षण करण्यासाठी अशा नौकांविरोधात कठोर कारवाई करण्याची भूमिका त्यांनी घेतली असून विभागाच्या कामकाजावरही ते सातत्याने लक्ष ठेवून आहेत. त्यांच्या या ठाम भूमिकेमुळे मत्स्यव्यवसाय विभागाच्या कारवाईला अधिक बळ मिळत असून स्थानिक मच्छिमारांच्या तक्रारींची दखल घेऊन प्रत्यक्ष समुद्रात धडक कारवाया केल्या जात आहेत. ‘सुलतान’ नौकेवरील कारवाईमुळे स्थानिक मच्छिमारांमध्ये समाधानाचे वातावरण निर्माण झाले आहे.