सावंतवाडी उपजिल्हा रुग्णालयात जखमी युवकाला मध्यरात्री डिस्चार्ज दिल्याने ठाकरे शिवसेनेचा वैद्यकीय अधीक्षकांना घेराव; रुपेश राऊळ आक्रमक

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

सावंतवाडी उपजिल्हा रुग्णालयात जखमी युवकाला मध्यरात्री डिस्चार्ज दिल्याने ठाकरे शिवसेनेचा वैद्यकीय अधीक्षकांना घेराव; रुपेश राऊळ आक्रमक

टाईम्स स्पेशल

2026-10-28 00:00:00

टाइम्स स्पेशल

सावंतवाडी (प्रतिनिधी) : सावंतवाडी उपजिल्हा रुग्णालयात सर्वसामान्य रुग्णांना बेड उपलब्ध होत नसल्याची बाब समोर आली असून, रुग्णालयातील सुविधांअभावी रुग्णांची गैरसोय होत असल्याचा आरोप उद्धव बाळासाहेब ठाकरे शिवसेनेचे सावंतवाडी विधानसभा मतदारसंघ प्रमुख रुपेश राऊळ यांनी केला आहे. स्थानिक आमदार आणि सत्ताधारी लोकप्रतिनिधी नेमके काय करतात, असा सवाल उपस्थित करत रुग्णालयातील बेडची समस्या तातडीने दूर करण्याची मागणी त्यांनी केली. दरम्यान, वेंगुर्ले तालुक्यातील तुळस येथील विकास बर्डे या युवकाला मारहाण झाल्यानंतर त्याच्या उपचारादरम्यान घडलेल्या प्रकारावरून ठाकरे शिवसेनेचे पदाधिकारी आक्रमक झाले. त्यांनी रुग्णालयाचे वैद्यकीय अधीक्षक वर्ग एकचे डॉ. विशाल रेड्डी यांना जाब विचारत घेराव घातला. यापुढे अशा प्रकारांची पुनरावृत्ती होऊ देणार नसल्याचे आश्वासन मिळाल्यानंतर हा घेराव मागे घेण्यात आला. तुळस येथील विकास बर्डे या युवकाला शंकर कुमार नावाच्या व्यक्तीने मारहाण केल्याप्रकरणी पोलिसांत तक्रार दाखल झाली होती. या मारहाणीत विकास यांच्या डोक्याला गंभीर दुखापत झाली होती. त्यांना उपचारासाठी सावंतवाडी उपजिल्हा रुग्णालयात दाखल करण्यात आले.

https://ratnagiritimes.in//assets/images/2020/add/2020/sky22.jpg

मात्र, रुग्णालयातील शिकाऊ डॉक्टरांनी त्यांना मध्यरात्री सुमारे बारा वाजण्याच्या सुमारास डिस्चार्ज दिल्याचा आरोप त्यांच्या नातेवाइकांनी केला आहे. डोक्याला गंभीर दुखापत झालेल्या रुग्णाला आवश्यक वैद्यकीय निरीक्षणाखाली ठेवण्याऐवजी घरी पाठविण्यात आल्याने नातेवाइकांनी नाराजी व्यक्त केली. दुसर्‍या दिवशी विकास यांना उलट्या होऊ लागल्याने त्यांना पुन्हा याच रुग्णालयात दाखल करावे लागले. या प्रकारामुळे रुग्णांच्या उपचारांमध्ये हलगर्जीपणा होत असल्याचा आरोप करत ठाकरे शिवसेनेच्या पदाधिकार्‍यांनी रुग्णालय प्रशासनाला धारेवर धरले. डोक्याला मार लागलेल्या रुग्णाला किमान २४ तास वैद्यकीय निरीक्षणाखाली ठेवणे आवश्यक होते. अशा परिस्थितीत मध्यरात्री रुग्णाला डिस्चार्ज देणे योग्य नसल्याचे मत रुपेश राऊळ यांनी व्यक्त केले. गरीब आणि सर्वसामान्य नागरिक उपचारासाठी उपजिल्हा रुग्णालयावर अवलंबून असतात. त्यामुळे रुग्णालय प्रशासनाने रुग्णांच्या उपचारांबाबत अधिक जबाबदारीने काम करावे, अशी मागणी त्यांनी केली. यावेळी रुग्णालयात बेड उपलब्ध नसल्याचे शिकाऊ डॉक्टरांकडून सांगण्यात आल्याने शिवसैनिक अधिक आक्रमक झाले. रुग्णालयात बेडची कमतरता असेल तर सत्ताधारी लोकप्रतिनिधींनी त्यासाठी आवश्यक त्या सुविधा उपलब्ध करून द्याव्यात, असे आवाहनही राऊळ यांनी केले. यापुढे रुग्णांना त्रास होईल किंवा त्यांच्या उपचारांमध्ये निष्काळजीपणा होईल, असे प्रकार खपवून घेतले जाणार नाहीत, असा इशाराही त्यांनी दिला.

टाईम्स स्पेशल

यावेळी रुग्णालयातील रक्ततपासणीसाठी रात्री साडेबारा वाजल्यानंतर नमुने घेतले जात नसल्याची, तसेच सोनोग्राफीसाठीही उशिरापर्यंत सुविधा उपलब्ध होत नसल्याची तक्रार शिवसैनिकांनी डॉ. विशाल रेड्डी यांच्यासमोर मांडली. या समस्यांकडे आपण जातीने लक्ष देऊ आणि यापुढे अशा प्रकारांची पुनरावृत्ती होऊ देणार नाही, असे आश्वासन डॉ. रेड्डी यांनी दिले. त्यानंतर पदाधिकार्‍यांनी घेराव मागे घेतला. या वेळी विकास बर्डे यांच्या पत्नी आणि नातेवाईक उपस्थित होते. तसेच जिल्हा संघटक शब्बीर मणियार, उपजिल्हाप्रमुख चंद्रकांत कासार, विधानसभा मतदारसंघ प्रमुख रुपेश राऊळ, तालुकाप्रमुख राजू शेटकर, उपतालुकाप्रमुख अशोक धुरी, नगरसेवक देवा टेमकर, विभागप्रमुख विनोद काजरेकर, नामदेव नाईक, सुनील गावडे, उपविभागप्रमुख प्रशांत बुगडे, विनोद ठाकूर, संदीप गवस यांच्यासह तुळस गावातील ग्रामस्थ, रुग्ण आणि नातेवाईक उपस्थित होते. सावंतवाडी उपजिल्हा रुग्णालयातील बेडची उपलब्धता, रात्रीच्या वेळी रुग्णांना दिल्या जाणार्‍या उपचारांची गुणवत्ता आणि रक्ततपासणी व सोनोग्राफीसारख्या सुविधांच्या वेळांबाबत उपस्थित झालेल्या तक्रारींची प्रशासनाने गांभीर्याने दखल घेऊन आवश्यक सुधारणा कराव्यात, अशी मागणी यावेळी करण्यात आली.