loader
Breaking News
Breaking News
Foto

नाना... तुमचं जाणं मनाला चटका लावून गेलं.. माझ्यावर प्रेमाने रागावणारा, चिडणारा माणूस गेलाः मंत्री उदय सामंत

टाईम्स स्पेशल
2026-10-08 00:00:00
टाइम्स स्पेशल

रत्नागिरी - ज्येष्ठ अभिनेते, संवेदनशील माणूस, स्पष्टवक्ते व्यक्तिमत्त्व आणि सामाजिक बांधिलकी जपणारा माझा जिवलग मित्र नाना पाटेकर आज आपल्यातून निघून गेला, ही बातमी मनाला सुन्न करणारी आहे. नानांसोबतचे माझे संबंध केवळ परिचयापुरते किंवा सार्वजनिक जीवनापुरते मर्यादित नव्हते. आमच्यात एक जिव्हाळ्याचं, मनापासूनचं मैत्रीचं नातं होतं. अनेक प्रसंगी त्यांच्यासोबत झालेला संवाद, त्यांचा परखडपणा, माणसांकडे पाहण्याचा त्यांचा संवेदनशील दृष्टिकोन आणि एखादी गोष्ट मनापासून पटली की त्यासाठी उभं राहण्याची त्यांची वृत्ती कायम स्मरणात राहील. अभिनयाच्या क्षेत्रात नानांनी स्वतःची एक वेगळी ओळख निर्माण केली. मराठी आणि हिंदी चित्रपटसृष्टीतील असंख्य भूमिका त्यांनी आपल्या अभिनयाच्या ताकदीने अजरामर केल्या.

https://ratnagiritimes.in//assets/images/2020/add/2020/sky22.jpg

पडद्यावरचा त्यांचा आवाज, संवादफेक, डोळ्यांतून भावना व्यक्त करण्याची शैली आणि व्यक्तिरेखेत पूर्णपणे सामावून जाण्याची त्यांची क्षमता ही पुढील अनेक पिढ्यांसाठी प्रेरणादायी राहील. पण माझ्यासाठी पडद्यावरचा नाना जितका मोठा होता, त्यापेक्षा माणूस म्हणून भेटलेला नाना अधिक मोठा होता. ‘नाम फाउंडेशन’च्या माध्यमातून नाना यांनी महाराष्ट्रातील शेतकरी, दुष्काळग्रस्त भाग आणि जलसंधारणासाठी उभं केलेलं कार्य त्यांच्या सामाजिक जाणिवेची साक्ष देतं. कोकणच्या मातीशी नानांचं विशेष नातं होतं. नाम फाउंडेशनच्या माध्यमातून कोकणात झालेल्या विविध सामाजिक आणि जलसंधारणाच्या कामांशी त्यांचा असलेला जिव्हाळा मी जवळून अनुभवला आहे. या कामाच्या निमित्ताने आमच्यातील संवाद अधिक घट्ट झाला. समाजासाठी काहीतरी करण्याची त्यांची तळमळ आणि त्यामागची प्रामाणिक भावना नेहमीच प्रेरणा देणारी होती.

टाईम्स स्पेशल

नाम फाउंडेशनच्या कार्यात सहभागी होताना नानांसोबत अनेकदा संवाद साधण्याची संधी मिळाली. २०२५ मध्ये नाम फाउंडेशनच्या दशकपूर्ती सोहळ्यातही एकत्र येण्याचा प्रसंग आला होता. त्या वेळी त्यांच्या सामाजिक कार्याची व्यापकता आणि महाराष्ट्रासाठी काहीतरी करण्याची त्यांची धडपड पुन्हा प्रकर्षाने जाणवली. आज नाना आपल्यात नाहीत, ही वस्तुस्थिती स्वीकारणं अत्यंत कठीण आहे. एक उत्तम अभिनेता गेला... एक संवेदनशील माणूस गेला... एक सामाजिक कार्यकर्ता गेला... पण त्याहूनही अधिक माझा एक जिवलग मित्र आणि मार्गदर्शक गेला. नाना, तुमच्या आठवणी सदैव सोबत राहतील. तुमच्या अभिनयाचा वारसा, तुमची स्पष्टवक्तेपणाची भूमिका, माणुसकीची शिकवण आणि समाजासाठी केलेलं कार्य पुढील अनेक पिढ्यांना प्रेरणा देत राहील.

https://ratnagiritimes.in//assets/images/2020/add/2020/sky23.jpg

रत्नागिरी टाइम्स

tags : टाइम्स स्पेशल
foto
Author: रत्नागिरी टाइम्स
टाईम्स स्पेशल
टाइम्स स्पेशल
2026-10-08 00:00:00

कोकणचे सर्वाधिक खपाचे दैनिक

Previous Next

3 Comments

leave a reply

Recent Posts

रत्नागिरी टाइम्स

https://ratnagiritimes.in//assets/images/2020/add/2020/ad_400x270.jpg

latest # news

रत्नागिरी टाइम्स

https://ratnagiritimes.in//assets/images/2020/add/2020/sky24.jpg
रत्नागिरी टाइम्स
https://ratnagiritimes.in//assets/images/2020/add/2020/sky21.jpg
© 2020, Copyrights रत्नागिरी टाइम्स. All Rights Reserved. Website Design by KP TECHNOSYS