अभिजात सुरांच्या मैफलीत पं. उमेश चौधरी यांच्या गायकीने रसिकांना घातली मोहिनी!

Breaking News

टाइम्स स्पेशल: राज्यस्तरीय तायक्वांदो स्पर्धेत आयुष जाधवची सुवर्ण भरारी! रोटरी स्कूल, खेडच्या आयुषची महाराष्ट्र संघात निवड; राष्ट्रीय स्पर्धेत करणार महाराष्ट्राचे नेतृत्व!
टाइम्स स्पेशल: राज्यातील दुष्काळी परिस्थितीवर कायमस्वरूपी मात करण्यासाठी सर्व विभागांनी समन्वयाने, नियोजनबद्ध आणि गतिमान पद्धतीने काम करावे.:मुख्यमंत्री
टाइम्स स्पेशल: अभिजात सुरांच्या मैफलीत पं. उमेश चौधरी यांच्या गायकीने रसिकांना घातली मोहिनी!
टाइम्स स्पेशल: लायन्स क्लबने जपली सामाजिक बांधिलकी ! सहजानंद आध्यात्मिका गोपाळ निवास वृद्धाश्रमास इन्व्हर्टर भेट
टाइम्स स्पेशल: सत्कोंडी नगरीत रंगणार कवितेचा जागर! नवकवींच्या सर्जनशीलतेला मिळणार साहित्यिक दिशा; १४ ऑक्टोबरला कवितालेखन कार्यशाळा
टाइम्स स्पेशल: CJP चे संस्थापक दिल्ली पोलिसांच्या कोठडीत असतानाच महाराष्ट्रात अभिजीत दिपके यांच्या आजींचे निधन
टाइम्स स्पेशल: पनवेल वाहतूक पोलिसांची मोठी कामगिरी ;तिहेरी हत्याकांडात चिखली बुलढाणा येथील संशयित आरोपी बसस्थानकात जाळ्यात!
टाइम्स स्पेशल: कोंडगे गावाची अवैध दारू धंद्यांच्या विळख्यातून कायमची सुटका.
टाइम्स स्पेशल: सेवाभावी डॉक्टर मयुरेश मोरेश्वर पाटील यांच्या वाढदिवसानिमित्त उद्या आई कालिका मंदिर मिरजोळे येथे मोफत नेत्र तपासणी व मोफत मोतीबिंदू शस्त्रक्रिया शिबिराचे आयोजन
टाइम्स स्पेशल: मालवण चिवला बीचवर समुद्रात सांडपाणी सोडणाऱ्या दोन हॉटेल्सना कारवाईची नोटीस
टाइम्स स्पेशल: धृतराष्ट्राप्रमाणे वैभव नाईकांची अवस्था - दत्ता सामंत
टाइम्स स्पेशल: बंद पडलेल्या तांबेडीच्या शाळेत ‘कागदी’ पटसंख्येचा गोलमाल; ‘शिक्षणमहर्षी’चा ताबा अन् प्रशासनाचा वरदहस्त; कै. गणपतराव ब्रीद यांच्या विचारांना मूठमाती दिल्याने तांबेडी ग्रामस्थांत संतापाची लाट
टाइम्स स्पेशल: उल्लेखनीय सेवेबद्दल लांजाचे उपविभागीय पोलीस अधिकारी सुरेश कदम राष्ट्रपती पोलीस पदकाने सन्मानित
टाइम्स स्पेशल: सर्वपित्री अमावस्येला बनत आहे 3 ग्रहांचा दुर्मिळ योग, तुमच्या राशीवर काय होणार याचा परिणाम?
टाइम्स स्पेशल: CJP आंदोलनपूर्वी दिल्ली पोलिसांची मोठी कारवाई ,६०० जणांना ताब्यात घेतले , सकाळपासून धरपकड सुरु. पुढे काय ?
टाइम्स स्पेशल: एसपी नितीन बगाटेंची माणुसकी! थेट जिल्हा रुग्णालय गाठून दुःखी कुटुंबीयांना दिला धीर
टाइम्स स्पेशल: शालेय शिक्षणमंत्री ना. दादा भुसे यांची रामशेठ ठाकूर पब्लिक स्कूलला सदिच्छा भेट
टाइम्स स्पेशल: डायल ११२ वर कॉल करून खोटी माहिती देणार्‍या तरूणावर गुन्हा दाखल
टाइम्स स्पेशल: जय भवानी गोंधळी समाज मित्रमंडळाच्या वतीने नवरात्रौत्सवात विविध कार्यक्रमांचे आयोजन
टाइम्स स्पेशल: ‘विकसित भारत संकल्प सभे’ला भाजप प्रदेश उपाध्यक्ष सुनील कर्जतकर यांची प्रमुख उपस्थिती

Breaking News

अभिजात सुरांच्या मैफलीत पं. उमेश चौधरी यांच्या गायकीने रसिकांना घातली मोहिनी!

2026-10-10 00:00:00

पनवेल :- भारतीय अभिजात संगीताची समृद्ध परंपरा, किराणा घराण्याच्या गायकीचे लोभस सौंदर्य आणि सुरेल स्वरांच्या अविस्मरणीय अनुभूतीने ठाण्यातील सहयोग मंदिर येथे आयोजित ‘१८ वा पंडित फिरोज दस्तुर स्मृती संगीत समारोह’ रसिकांच्या उत्स्फूर्त प्रतिसादात संपन्न झाला. पंडित फिरोज दस्तुर मेमोरिअल ट्रस्ट आणि उत्कर्ष मंडळ यांच्या संयुक्त विद्यमाने आयोजित या चार दिवसीय संगीत महोत्सवात नामवंत गायकांच्या शास्त्रीय गायनासह संतूर आणि संवादिनी वादनाची सुरेल मेजवानी रसिकांना अनुभवता आली. रायगडचे सुपुत्र सुप्रसिद्ध शास्त्रीय गायक पं. उमेश चौधरी यांच्या सुमधुर, दमदार आणि भावपूर्ण गायकीने विशेष रंगत आणली. रागांची भावपूर्ण मांडणी, स्वच्छ आलापी आणि तानांच्या नजाकतीतून त्यांनी रसिकांना स्वरानंदाची अनुभूती दिली.

https://ratnagiritimes.in//assets/images/2020/add/2020/sky22.jpg

पं. उमेश चौधरी यांनी आपल्या सादरीकरणाची सुरुवात ‘राग मधुवंती’ने केली. या रागातील ‘ए वो मोरे साई’, ‘लागी लागी रे’ आणि ‘रंग रलीया करत’ या बंदिशी त्यांनी सुरेल अंदाजात सादर केल्या. प्रत्येक बंदिशीतील भाव, रागाचा विस्तार आणि स्वरांवरील पकड यांतून त्यांच्या शास्त्रीय संगीताच्या अभ्यासाची प्रचिती आली. त्यानंतर ‘राग कामोदी मल्हार’मधील ‘मोरा भाग सुहाग तुम्ही से’ ही रचना सादर करत त्यांनी आपले गुरू उस्ताद अस्लम खान यांना भावपूर्ण स्वरवंदना अर्पण केली. तसेच गुरूमाई विदुषी शुभदाताई पराडकर यांच्या शिकवणीतील पैलूंची आठवण त्यांनी करून दिली.त्त्या अनुषंगाने गुरूंच्या सांगीतिक संस्कारांचे दर्शन घडवणाऱ्या या सादरीकरणाला रसिकांनी मनापासून दाद दिली. ‘राग मेघमल्हार’मधील ‘गरज गरज आज मेघ’ या बंदिशीने उमेश चौधरी यांच्या गायकीचा विशेष प्रत्यय दिला. त्यांच्या खुल्या, खड्या आवाजातील स्वच्छ आलापी, सुरांवरील विलक्षण पकड आणि तानांची अप्रतिम नजाकत यामुळे रागाचे भावविश्व रसिकांसमोर जिवंत झाले. स्वरांच्या चढ-उतारांतून आणि रागाच्या प्रभावी मांडणीतून त्यांनी निर्माण केलेल्या वातावरणाने संपूर्ण सभागृह मंत्रमुग्ध झाले. त्यांच्या सादरीकरणाला रसिकांनी उत्स्फूर्त दाद देत मैफलीची रंगत वाढवली. त्यांना तबल्यावर गिरीश नलावडे आणि संवादिनीवर सिद्धेश ठक्कर यांनी उत्तम साथसंगत केली.

महोत्सवाच्या अंतिम सत्रात पंडित विनोद डिग्रजकर यांनी ‘राग मारुबिहाग’, ‘राग मधुकंस’ आणि ‘राग रंगेश्वरी’मधील विविध बंदिशी सादर करत आपल्या समृद्ध गायकीची छाप उमटवली. अखेरीस ‘इतना तो करना स्वामी’ ही भैरवी सादर करून त्यांनी महोत्सवाची सांगता केली. त्यांना स्वप्नील भिसे आणि सिद्धेश बिचोलकर यांनी साथसंगत केली.कार्यक्रमाचे सूत्रसंचालन रोशनी शिंदे यांनी केले, तर गिरीश संझगिरी यांनी आभार मानले. समारोपप्रसंगी पंडित फिरोज दस्तुर यांच्या दुर्मीळ ध्वनिमुद्रिका ऐकवून त्यांना भावपूर्ण आदरांजली अर्पण करण्यात आली.चार दिवसांच्या या संगीत महोत्सवाने अभिजात संगीताची समृद्ध परंपरा रसिकांसमोर उलगडली. विशेषतः पं. उमेश चौधरी यांच्या गायकीने गुरू-शिष्य परंपरेतील सांगीतिक संस्कार, रागदारी संगीताचे सौंदर्य आणि सुरांच्या साधनेतील निष्ठा यांचा प्रत्यय देत मैफलीत संस्मरणीय स्वरानुभव निर्माण केला.