कट्टा गुरामवाडी येथील निसर्गनगरीतील आठ बंगल्यांच्या घरफोडीप्रकरणी दोघे पोलिसांच्या ताब्यात, स्थानिक गुन्हे अन्वेषण शाखेची कारवाई

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

कट्टा गुरामवाडी येथील निसर्गनगरीतील आठ बंगल्यांच्या घरफोडीप्रकरणी दोघे पोलिसांच्या ताब्यात, स्थानिक गुन्हे अन्वेषण शाखेची कारवाई

टाईम्स स्पेशल

2026-11-06 00:00:00

टाइम्स स्पेशल

मालवण (प्रतिनिधी) - मालवण तालुक्यातील कट्टा गुरामवाडी येथील निसर्गनगरी संकुलातील आठ बंद बंगल्यांमध्ये घरफोडी करून सोन्याचे दागिने आणि रोख रक्कम लंपास करणाऱ्या टोळीचा छडा लावण्यात पोलिसांना यश आले आहे. या प्रकरणी स्थानिक गुन्हे अन्वेषण शाखेने दोघांना ताब्यात घेतले असून, आणखी दोन साथीदारांची नावे तपासात निष्पन्न झाली आहेत. सुशील यशवंत आळावे (वय २२, रा. देवली गवाणवाडी, मालवण) आणि संतोष मधुसूदन पांगे (वय ४८, रा. धुरीवाडा, मालवण) अशी ताब्यात घेतलेल्या संशयितांची नावे आहेत. पोलिसांनी दिलेल्या माहितीनुसार, २५ ऑक्टोबर रोजी रात्री ११ ते २६ ऑक्टोबर रोजी पहाटे ३ वाजण्याच्या दरम्यान निसर्गनगरी संकुलातील आठ बंगल्यांना चोरट्यांनी लक्ष्य केले होते. बंगल्यांच्या दरवाजांचे कडी-कोयंडे उचकटून आत प्रवेश करत चोरट्यांनी सोन्याचे दागिने आणि रोख रक्कम असा मुद्देमाल चोरून नेला होता.

https://ratnagiritimes.in//assets/images/2020/add/2020/sky22.jpg

याप्रकरणी मालवण पोलीस ठाण्यात २६ ऑक्टोबर रोजी गुन्हा दाखल करण्यात आला होता. गुन्हा रजिस्टर क्रमांक १८७/२०२६ अन्वये भारतीय न्याय संहिता कलम ३०५ आणि ३३१(४) प्रमाणे गुन्ह्याची नोंद करण्यात आली आहे. एकाच परिसरातील आठ बंगल्यांमध्ये झालेल्या घरफोडीचे गांभीर्य लक्षात घेऊन वरिष्ठ पोलीस अधिकाऱ्यांच्या आदेशानुसार स्थानिक गुन्हे अन्वेषण शाखेने समांतर तपास सुरू केला. पोलीस निरीक्षक प्रविण कोल्हे यांच्या नेतृत्वाखाली तपासासाठी स्वतंत्र पथके तयार करण्यात आली. घटनास्थळावरून मिळालेली माहिती, मानवी कौशल्य आणि तांत्रिक तपासाच्या आधारे पोलिसांनी संशयितांचा माग काढला. या तपासातून सुशील आळावे आणि संतोष पांगे यांचा सहभाग निष्पन्न झाल्यानंतर दोघांना ५ नोव्हेंबर रोजी ताब्यात घेण्यात आले. पोलिसांनी त्यांच्याकडे चौकशी केली असता, यश मुणगेकर (रा. भराड, मालवण) आणि येलन फर्नांडिस (रा. दांडी, सध्या रा. चौके) या अन्य दोघांसोबत मिळून घरफोडी केल्याची माहिती त्यांनी दिल्याचे पोलिसांनी सांगितले. ताब्यात घेतलेल्या दोघांची वैद्यकीय तपासणी करून पुढील तपासासाठी त्यांना मालवण पोलीस ठाण्यात हजर करण्यात आले आहे.

टाईम्स स्पेशल

ही कारवाई पोलीस अधीक्षक मोहन दहिकर आणि अपर पोलीस अधीक्षक नयोमी साटम यांच्या आदेशानुसार, स्थानिक गुन्हे अन्वेषण शाखेचे पोलीस निरीक्षक प्रविण कोल्हे यांच्या नेतृत्वाखाली करण्यात आली. या पथकात सहाय्यक पोलीस निरीक्षक सुनील पाटील, पोलीस उपनिरीक्षक अनिल हाडळ, हनुमंत भोसले यांच्यासह स्थानिक गुन्हे अन्वेषण शाखेच्या अधिकारी व कर्मचाऱ्यांचा सहभाग होता. आठ बंगल्यांमध्ये झालेल्या या सामूहिक घरफोडीचा तपास महत्त्वाच्या टप्प्यावर पोहोचला असून, चोरीस गेलेला मुद्देमाल हस्तगत करण्यासह अन्य संशयितांचा शोध घेण्याचे आव्हान पोलिसांसमोर आहे.