स्वातंत्र्यसैनिकांच्या कार्याला उजाळा; मालवणात वक्तृत्व स्पर्धेला प्रतिसाद

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

स्वातंत्र्यसैनिकांच्या कार्याला उजाळा; मालवणात वक्तृत्व स्पर्धेला प्रतिसाद

टाईम्स स्पेशल

2026-10-27 00:00:00

टाइम्स स्पेशल

मालवण (प्रतिनिधी) - स्वातंत्र्यलढ्यात योगदान देणाऱ्या स्थानिक स्वातंत्र्यसैनिकांच्या कार्याची ओळख नव्या पिढीला व्हावी आणि विद्यार्थ्यांमध्ये वक्तृत्वकलेचा विकास व्हावा, या उद्देशाने बॅ. नाथ पै सेवांगण, मालवण यांच्या वतीने आयोजित तालुकास्तरीय वक्तृत्व स्पर्धेला उत्स्फूर्त प्रतिसाद लाभला. सिंधुदुर्ग जिल्हा युवा साहित्य संमेलन २०२६ च्या औचित्याने सेवांगणच्या ना. ग. गोरे सभागृहात ही स्पर्धा उत्साहात पार पडली. या स्पर्धेत आठवी ते दहावीच्या विद्यार्थ्यांनी सहभाग घेत ‘मला आवडलेले स्वातंत्र्यसैनिक’ या स्पर्धेच्या विषयावर वक्तृत्व सादर केले. कार्यक्रमाच्या प्रारंभी वैष्णवी आचरेकर आणि रुचिता चिंदरकर यांनी साने गुरुजींच्या ‘खरा तो एकचि धर्म’ या प्रार्थनेचे सादरीकरण केले. त्यानंतर मान्यवरांनी बॅ. नाथ पै यांच्या प्रतिमेला पुष्प अर्पण करून अभिवादन केले.

https://ratnagiritimes.in//assets/images/2020/add/2020/sky22.jpg

साने गुरुजी वाचन मंदिराच्या कार्याध्यक्ष डॉ. ज्योती बुवा तोरसकर यांनी प्रास्ताविकात स्पर्धेमागील भूमिका स्पष्ट केली. प्रा. वासंती किणीकर लिखित ‘क्रांतिज्योती’ या पुस्तकाच्या आधारे स्पर्धेचा विषय निश्चित करण्यात आला होता. या पुस्तकाच्या माध्यमातून मालवण परिसरातील स्वातंत्र्यसैनिकांच्या कार्याची माहिती विद्यार्थ्यांपर्यंत पोहोचविण्याचा प्रयत्न असल्याचे त्यांनी सांगितले. परीक्षक दीपक भोगटे यांनी लेखिका वासंती किणीकर यांच्या लेखनपरिश्रमांचा गौरव केला. या स्पर्धेत रोझरी इंग्लिश मीडियम स्कूल, अ. शि. दे. टोपीवाला हायस्कूल, भंडारी हायस्कूल, कन्याशाळा मालवण, ओझर विद्यामंदिर कांदळगाव आणि दत्ता सामंत इंग्लिश स्कूल, देवबाग या शाळांतील विद्यार्थ्यांनी सहभाग घेतला. विद्यार्थ्यांनी शामराव कोचरेकर, हुतात्मा दत्ताराम कोयंडे, बबन डिसोझा, मारुतीराव शिरसेकर, हुतात्मा प्रभाकर रेगे, केशव घुर्ये, वसंत व्यंकोजी सामंत, दादासाहेब शिखरे, कृष्णाजी कान्होजी लुडबे आणि रामराव पांगे या स्वातंत्र्यसैनिकांच्या जीवनकार्यावर भाषणे सादर केली.

टाईम्स स्पेशल

स्पर्धेचे परीक्षण किशोर शिरोडकर आणि दीपक भोगटे यांनी केले. या वेळी सेवांगणचे कार्याध्यक्ष किशोर शिरोडकर, साने गुरुजी वाचन मंदिराच्या कार्याध्यक्ष डॉ. ज्योती बुवा तोरसकर, कार्यकारिणी सदस्य दीपक भोगटे, व्यवस्थापक संजय आचरेकर, गौरी केळुसकर, प्रदीप सामंत, शिक्षक, पालक आणि विद्यार्थी उपस्थित होते. कार्यक्रमाचे सूत्रसंचालन साने गुरुजी वाचन मंदिराच्या ग्रंथपाल ऋतुजा केळकर यांनी केले. स्पर्धेतील विजेत्यांसह सर्व सहभागी विद्यार्थ्यांचा २८ व २९ नोव्हेंबर २०२६ रोजी आयोजित सिंधुदुर्ग जिल्हा युवा साहित्य संमेलनात साहित्यिकांच्या हस्ते गौरव करण्यात येणार आहे.