देवरुख तहसिल कार्यालयात ग्रामस्थांचे हेलपाटे, शिवसेना उपतालुकाप्रमुख सचिन मांगलेंनी कर्मचार्‍याला शिकविली अद्दल

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

देवरुख तहसिल कार्यालयात ग्रामस्थांचे हेलपाटे, शिवसेना उपतालुकाप्रमुख सचिन मांगलेंनी कर्मचार्‍याला शिकविली अद्दल

टाईम्स स्पेशल

2026-10-27 00:00:00

टाइम्स स्पेशल

देवरुख : देवरूख तहसील कार्यालयात गुरुवारी एका मुजोर कर्मचार्‍याची अरेरावी आणि सामान्य नागरिकांची झालेली हेळसांड समोर आली. रेशन कार्डावरील नाव कमी करण्यासाठी मैलोनमैल प्रवास करून आलेल्या गरीब ग्रामस्थांना ‘माझी बॅग भरलेली आहे, कुठेही तक्रार करा!’ असे उर्मट उत्तर देणार्‍या या शासकीय कर्मचार्‍याला शिवसेना (शिंदे गट) उपतालुकाप्रमुख सचिन मांगले यांनी आपल्या आक्रमक पवित्र्यातून चांगलाच धडा शिकवला. या प्रकरणात तहसीलदार अमृता साबळे यांनीही तात्काळ हस्तक्षेप केल्याने संबंधित कर्मचार्‍याची कानउघडणी झाली आणि रडकुंडीला आलेल्या ग्रामस्थांची कामे अवघ्या मिनिटांत मार्गी लागली. ग्रामीण भागातील काही हतबल नागरिक एसटीचे भाडे खर्च करून आणि आपली रोजंदारी बुडवून देवरुख येथील संगमेश्वर तहसील कार्यालयात आले होते. संबंधित टेबलवर बसलेल्या कर्मचार्‍याने कोणतीही सहानुभूती किंवा संवेदनशीलतेचा दाखला न देता, आज काम होणार नाही, सोमवारी या! असे सांगत त्यांना पिटाळून लावण्याचा प्रयत्न केला.

https://ratnagiritimes.in//assets/images/2020/add/2020/sky22.jpg

आम्ही खूप लांबून आलोय, आजच काम करून द्या, अशी गयावया ग्रामस्थांनी केली. मात्र, पदाची आणि अधिकाराची नशा डोक्यात गेलेल्या त्या कर्मचार्‍याने अत्यंत बेजबाबदारपणे नागरिकांना अपमानित करत, तुम्हाला जिथे तक्रार करायची ती करा, माझी बॅग भरलेली आहे! अशी उर्मट भाषा वापरली. सामान्य जनतेशी सुरू असलेला हा प्रकार तिथे उपस्थित असलेले शिवसेनेचे उपतालुकाप्रमुख सचिन मांगले यांच्या निदर्शनास आला. नागरिकांचा हा अपमान पाहून मांगले यांचा पारा चढला आणि त्यांनी तात्काळ आक्रमक पवित्रा घेत तहसीलदार अमृता साबळे यांच्याकडे धाव घेतली. त्यांनी त्या कामचुकार कर्मचार्‍याचा संपूर्ण पाढाच तहसीलदारांसमोर वाचत संताप व्यक्त केला. प्रकरणाचे गांभीर्य लक्षात घेत तहसीलदार अमृता साबळे यांनी क्षणाचाही विलंब न लावता संबंधित कर्मचार्‍याला तात्काळ कार्यालयात बोलावून त्याची चांगलीच कानउघडणी केली आणि ताबडतोब काम करण्याचे सक्त आदेश दिले.

टाईम्स स्पेशल

तहसीलदारांच्या या दरडावणीनंतर त्या शासकीय कर्मचार्‍याची हवा जिरली आणि ग्रामस्थांची रखडलेली सर्व कामे काही वेळातच पूर्ण झाली. एका बाजूला हातावर पोट असणारी गरीब जनता शासकीय कार्यालयांत अशा तुसड्या वागणुकीचा सामना करत असताना, या ’बॅग भरलेल्या’ आणि मुजोर कर्मचार्‍यांचा माज नेमका कोण उतरवणार? असा संतप्त सवाल आता सर्वसामान्य नागरिकांमधून विचारला जात आहे. संकटसमयी वेळेवर धावून येऊन न्याय मिळवून देणारे शिवसेना उपतालुकाप्रमुख सचिन मांगले आणि तात्काळ पावले उचलणार्‍या तहसीलदार अमृता साबळे यांचे सर्व स्तरांतून आभार मानले जात आहेत.