मासे चोरीच्या आरोपांवरून मालवणात पारंपरिक मच्छीमार आक्रमक; मत्स्य व्यवसाय कार्यालयावर धडक!

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

मासे चोरीच्या आरोपांवरून मालवणात पारंपरिक मच्छीमार आक्रमक; मत्स्य व्यवसाय कार्यालयावर धडक!

टाईम्स स्पेशल

2026-10-24 00:00:00

टाइम्स स्पेशल

मालवण (प्रतिनिधी) : देवगड येथील मच्छीमारांनी पारंपरिक मच्छीमारांवर मासे चोरीचे आरोप केल्यानंतर मालवणातील पारंपरिक मच्छीमार आक्रमक झाले आहेत. अनधिकृत पर्ससीन मासेमारीमुळे पारंपरिक मच्छीमारांच्या उपजीविकेवर संकट निर्माण झाले असून, वारंवार तक्रारी करूनही मत्स्य विभागाकडून ठोस कारवाई होत नसल्याचा आरोप करत मच्छीमारांनी मालवण येथील मत्स्य व्यवसाय कार्यालयावर धडक दिली. “आमच्यावर मासे चोरीचा आरोप म्हणजे चोरांच्या उलट्या बोंबा आहेत,” अशा शब्दांत संताप व्यक्त करत अनधिकृत मासेमारी रोखण्यात अपयश आल्यास तीव्र भूमिका घेण्याचा इशारा त्यांनी दिला. मालवणसह सिंधुदुर्ग जिल्ह्याच्या समुद्रात अनधिकृत पर्ससीन मासेमारी आणि परराज्यांतील हायस्पीड नौकांचे अतिक्रमण सुरू असल्याचा आरोप पारंपरिक मच्छीमारांनी केला. या नौका पारंपरिक मच्छीमारांच्या मासेमारी क्षेत्रात घुसून मासळी पकडत असल्याने स्थानिक मच्छीमारांच्या व्यवसायावर परिणाम होत असल्याचे त्यांनी सांगितले. यासंदर्भात रामेश्वर मच्छिमार सोसायटीचे अध्यक्ष जगदीश खराडे यांनी मच्छीमारांच्या मागण्यांचे निवेदन मत्स्य विभागाला सादर केले.

https://ratnagiritimes.in//assets/images/2020/add/2020/sky22.jpg

देवगड येथील मच्छीमारांनी केलेल्या आरोपांचे खंडन करत पारंपरिक मच्छीमारांनी संबंधित नौकांच्या मासेमारीचे व्हिडीओ अधिकाऱ्यांसमोर सादर केले. संबंधित मच्छीमार ट्रॉलिंगच्या नावाखाली अनधिकृत पर्ससीन मासेमारी करत असल्याचा दावा त्यांनी केला. समुद्रात १० ते १२ वाव अंतरावर, पारंपरिक मच्छीमारांच्या मासेमारी क्षेत्रात घुसून मासळी पकडली जात असल्याचा आरोपही त्यांनी केला. अनधिकृत मासेमारीविरोधात वारंवार लक्ष वेधूनही मत्स्य विभागाकडून प्रभावी कारवाई होत नसल्याने मच्छीमारांनी नाराजी व्यक्त केली. मासळी मिळत नसल्यामुळे पारंपरिक मच्छीमार आर्थिक अडचणीत सापडले आहेत. मत्स्य विभागाकडे गस्तीसाठी सुसज्ज स्पीड बोट नसल्याने अनधिकृत मासेमारीवर नियंत्रण ठेवण्यात अडचणी येत असल्याचा आरोपही त्यांनी केला. अनधिकृत मासेमारी करणाऱ्या नौकांवर तातडीने कारवाई करावी, अन्यथा मच्छीमार स्वतः पुढाकार घेतील, असा इशारा यावेळी देण्यात आला. परिस्थिती हाताबाहेर गेल्यास त्याची जबाबदारी मत्स्य विभागाच्या अधिकाऱ्यांवर राहील, असेही मच्छीमारांनी स्पष्ट केले.

टाईम्स स्पेशल

यावेळी मत्स्य विकास अधिकारी प्रतीक महाडवाला यांनी अनधिकृत मासेमारीविरोधात कारवाई करण्याचे आश्वासन दिले. तसेच मच्छीमारांनी कायदा हातात घेऊ नये, असे आवाहन केले. यावेळी मत्स्य परवाना अधिकारी गणेश टेमकर, मत्स्य अधिकारी रवींद्र मालवणकर यांच्यासह पारंपरिक मच्छीमार उपस्थित होते. या आंदोलनात रामेश्वर मच्छिमार सोसायटीचे अध्यक्ष जगदीश खराडे, श्रमजीवी रापण संघटनेचे सचिव दिलीप घारे, महाराष्ट्र मच्छिमार कृती समितीचे जिल्हाध्यक्ष मिथुन मालंडकर, मच्छीमार नेते विकी तोरसकर, मत्स्य व्यावसायिक तथा ठाकरे शिवसेनेचे तालुकाप्रमुख हरी खोबरेकर, दिलीप पराडकर, सुजित मोंडकर आणि हेमंत जोशी आदी सहभागी झाले होते.