सावंतवाडी तालुक्यात विलवडे व वाफोलीतील दगड खाणी आणि क्रशर तातडीने बंद करण्याची मागणी; ग्रामस्थांचे जिल्हाधिकाऱ्यांना निवेदन

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

सावंतवाडी तालुक्यात विलवडे व वाफोलीतील दगड खाणी आणि क्रशर तातडीने बंद करण्याची मागणी; ग्रामस्थांचे जिल्हाधिकाऱ्यांना निवेदन

टाईम्स स्पेशल

2026-10-31 00:00:00

टाइम्स स्पेशल

सावंतवाडी (प्रतिनिधी) - सावंतवाडी तालुक्यातील विलवडे व वाफोली येथील बेकायदेशीर आणि विनापरवाना सुरू असलेल्या दगड खाणी व खडी मशीन (क्रशर) तातडीने बंद करण्यात याव्यात, अशी मागणी विलवडे आणि वाफोली येथील ग्रामस्थांनी सिंधुदुर्ग जिल्ह्याच्या जिल्हाधिकाऱ्यांकडे निवेदनाद्वारे केली आहे. या संदर्भात कृष्णा सावंत व इतर ग्रामस्थांनी जिल्हाधिकाऱ्यांना निवेदन दिले आहे. ग्रामस्थांनी दिलेल्या निवेदनात म्हटले आहे की, विलवडे गावात एकच छोटासा डोंगर असून, या डोंगराच्या सर्व बाजूंनी तब्बल सहा खाण मालकांनी प्रमाणाबाहेर आणि बेकायदेशीरपणे अनधिकृत उत्खनन (खोदकाम) केले आहे.

https://ratnagiritimes.in//assets/images/2020/add/2020/sky22.jpg

या खाणींना परवानगी देताना तहसीलदार व उपविभागीय महसूल अधिकारी, सावंतवाडी यांनी ग्रामपंचायतीची हरकत नसतानाही परवानगी दिली आहे, तसेच अनेक ठिकाणी उत्खनन नियमांचे उल्लंघन झाल्याचा आरोप ग्रामस्थांनी केला आहे. तसेच मंडळ अधिकारी, बांदा यांनी केलेल्या स्थळ पाहणी अहवालात अनेक त्रुटी असून, जुन्या आणि नव्या खाणींबाबतची माहिती दिशाभूल करणारी आणि परस्परविरोधी असल्याचा दावा ग्रामस्थांनी केला आहे. महाराष्ट्र प्रदूषण नियंत्रण मंडळाच्या 'सिटिंग क्रायटेरिया'नुसार दगड उत्खनन व क्रशरचे मापन करणे बंधनकारक असताना, आजतागायत एकदाही मोजमाप करण्यात आलेले नाही, याकडे जिल्हाधिकारी यांचे लक्ष वेधले आहे.

टाईम्स स्पेशल

या प्रकरणाची सखोल चौकशी करून गैरव्यवहार करणाऱ्या अधिकाऱ्यांवर योग्य ती कायदेशीर कारवाई करावी, तसेच खाण मालकांनी उत्खनन केलेले खड्डे भरून द्यावेत आणि प्रदूषण नियंत्रण मंडळाची परवानगी नसलेले क्रशर तात्काळ बंद करावेत, अशी आक्रमक मागणी ग्रामस्थांनी केली आहे. अन्यथा ग्रामस्थांना तीव्र आंदोलनाशिवाय पर्याय उरणार नाही, असा इशाराही निवेदनाद्वारे देण्यात आला आहे. या निवेदनावर कृष्णा सावंत, मनोहर दळवी, श्रीकांत गवस, सुधीर सावंत, दत्तप्रसाद सावंत, मनोहर सावंत, निशम कृष्णा दळवी, विनया विनायक सावंत यांच्यासह ग्रामस्थांच्या स्वाक्षऱ्या आहेत.