उमरे धरणाच्या पाण्यावर टांगती तलवार! रचना महाडिक यांच्या पत्राने पाटबंधारे विभागाचे लक्ष वेधले; अखेर अधिकाऱ्यांची धरणस्थळी धाव!

Breaking News

टाइम्स स्पेशल: प्रशासनाचा 'क्रीज' सोडून जिल्हाधिकारी मनुज जिंदल 'पीच' वर जिल्हा क्रीडा अधिकाऱ्यांच्या बाॕलवर जिल्हाधिकाऱ्यांचा 'चौकार'
टाइम्स स्पेशल: कोजागिरीच्या पूर्वसंध्येला रत्नागिरीत रंगणार काव्य मैफल, रसिकांना मेजवानी!
टाइम्स स्पेशल: संगमेश्वर तालुक्यातील मुरादपूर गावाने मारली बाजी; डिजिटल पीक पाहणी सर्वेक्षण १००% पूर्ण करणारे ठरले पहिले गाव!
टाइम्स स्पेशल: रिस येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: वाचन प्रेरणा सन्मानाने श्रद्धा कळंबटे सन्मानित
टाइम्स स्पेशल: काशी विश्वनाथ धाममध्ये रायगडच्या पं. उमेश चौधरी यांच्या स्वरांचा निनाद!, वाराणसीत शास्त्रीय गायनातून शिवभक्तीचा सुरेल आविष्कार
टाइम्स स्पेशल: ह.भ.प. गणेश भोईर यांचे निधन
टाइम्स स्पेशल: धनादेश अनादरप्रकरणी आरोपींची निर्दोष मुक्तता
टाइम्स स्पेशल: मालवण नगरपरिषदेच्या पर्यावरणपूरक गणेश सजावट स्पर्धेत गौरेश कांबळी प्रथम, समीर वायंगणकर द्वितीय तर भूषण मेतर तृतीय
टाइम्स स्पेशल: अंत्योदय शिधापत्रिकाधारकांना नोव्हेंबर महिन्यासाठी ३५ किलो मोफत अन्नधान्य मंजूर जिल्ह्यातील ३७ हजार १६५ कुटुंबांना होणार लाभ
टाइम्स स्पेशल: सम्यक प्रबोधिनी जामसंडे (मुंबई) गाव शाखा मंडळाच्या विद्यमाने धम्मचक्र प्रवर्तन दिन तथा अशोक विजया दशमी कार्यक्रम संपन्न
टाइम्स स्पेशल: अवनी नेनेची रशियातील पशुवैद्यकीय अभ्यासक्रमासाठी निवड, वाडा हायस्कूलमध्ये शुभेच्छा समारंभ उत्साहात
टाइम्स स्पेशल: पालकमंत्री मंत्री नितेश राणे यांच्या संकल्पनेतून देवगडच्या विकासाला नवा मार्ग!, ओरोस-देवगड थेट मार्गाचा राज्याच्या रस्ते विकास आराखड्यात समावेश
टाइम्स स्पेशल: पडेल येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: कुणकेश्वर हायस्कूलच्या खेळाडूंची तालुकास्तरीय स्पर्धेत खेळाडूंची चमकदार कामगिरी, जिल्हास्तरीय स्पर्धेसाठी निवड
टाइम्स स्पेशल: काव्यवाचन स्पर्धेत बांद्याचा नैतिक मोरजकर राज्यात द्वितीय
टाइम्स स्पेशल: राष्ट्रीय एकता मोटरसायकल रॅलीचे बांदयात स्वागत; 'फाईट अगेन्स्ट ड्रग्ज'चा रॅलीतून संदेश
टाइम्स स्पेशल: शिवनारीच्या युवा शक्तीचा गाव विकासासाठी पुढाकार, लोक वर्गणीतून प्रवासी निवारा एस. टी.शेड बांधण्याच्या कामाचा शानदार शुभारंभ
टाइम्स स्पेशल: दसऱ्यानंतर कणकवलीच्या गावऱ्हाटी देवतांचे सीमोल्लंघन, ढोल-ताशांच्या गजरात आणि फटाक्यांच्या आतषबाजीत देवतांचे स्वागत
टाइम्स स्पेशल: आंबव पोंक्षेतील प्रकाश पोंक्षे यांनी स्वखर्चाने बांधले बंधारे, सेवानिवृत्तीनंतर देखील सामाजिक कार्याचा आदर्श

Breaking News

उमरे धरणाच्या पाण्यावर टांगती तलवार! रचना महाडिक यांच्या पत्राने पाटबंधारे विभागाचे लक्ष वेधले; अखेर अधिकाऱ्यांची धरणस्थळी धाव!

टाईम्स स्पेशल

2026-10-15 00:00:00

टाइम्स स्पेशल

संगमेश्वर (सत्यवान विचारे) - संगमेश्वर तालुक्यातील उमरे प्रादेशिक नळपाणी योजनेला आधार असलेल्या तेलेवाडी धरणाच्या दुरुस्तीचा प्रश्न आता ऐरणीवर आला आहे. धरणाच्या दुरुस्तीसाठी पाणी सोडून देण्याच्या पारंपरिक कार्यपद्धतीमुळे आगामी उन्हाळ्यात भीषण पाणीटंचाई निर्माण होण्याची शक्यता व्यक्त होत असतानाच, माजी जिल्हा परिषद अध्यक्षा व शिवसेना नेत्या रचना राजेंद्र महाडिक यांनी ६ ऑक्टोबर २०२६ रोजी पाटबंधारे विभागाला लेखी पत्र देऊन पाणीसाठा जपण्याची आग्रही मागणी केली आहे. या पत्रानंतर आज प्रत्यक्ष धरणस्थळी जाऊन उपविभागीय अधिकारी लघुपाटबंधारे विभागाचे वसंत तिरमारे, उपविभागीय अधिकारी चंद्रकांत धामापूरकर, शाखा अभियंता ताम्रे, लघु पाठबंधारे विभाग रत्नागिरी यांनी स्थानिक ग्रामस्थांसमवेत परिस्थितीची पाहणी केली.

https://ratnagiritimes.in//assets/images/2020/add/2020/sky22.jpg

दरवर्षीच्या नियोजित वेळापत्रकानुसार तेलेवाडी धरणाच्या दुरुस्तीच्या कामासाठी धरणातील पाणी सोडून देण्यात येते. मात्र, यंदा संपूर्ण राज्यात आणि परिसरात अत्यल्प पाऊस झाल्याने दुष्काळसदृश परिस्थिती निर्माण झाली आहे. विहिरी आणि कूपनलिकांच्या पाणीपातळीत आतापासूनच मोठी घट झाल्याने पिण्याच्या पाण्याचा आणि शेतीच्या पाण्याचा प्रश्न गंभीर होण्याची शक्यता आहे. याच पार्श्वभूमीवर रचना महाडिक यांनी कार्यकारी अभियंता, पाटबंधारे विभाग, रत्नागिरी यांना दिलेल्या पत्रात महत्त्वाचा मुद्दा उपस्थित केला आहे. दरवर्षीप्रमाणे यंदाही दुरुस्तीसाठी धरणातील पाणी सोडून दिल्यास परिसरातील नागरिक आणि जनावरांना पिण्याच्या पाण्यासाठी तीव्र टंचाईचा सामना करावा लागू शकतो, असा इशारा त्यांनी दिला आहे.

टाईम्स स्पेशल

धरणाची दुरुस्ती आवश्यक असली, तरी उपलब्ध पाणीसाठ्याचे योग्य नियोजन करूनच काम हाती घेणे गरजेचे असल्याचे महाडिक यांनी पत्रात नमूद केले आहे. दुरुस्तीचे काम यंदा न करता परिस्थिती सामान्य होईपर्यंत पुढे ढकलता येईल का, याचा विचार करावा. अन्यथा, धरणातील उपलब्ध पाणी केवळ पिण्यासाठी आणि आपत्कालीन वापरासाठी सुरक्षित ठेवावे, अशी मागणी त्यांनी केली आहे. तातडीने दुरुस्ती करणे अपरिहार्य असल्यास पाणी न सोडता यांत्रिक तंत्रज्ञानाचा वापर करून गळती थांबविण्याचे पर्याय तपासावेत, असेही त्यांनी सुचवले आहे. विशेषतः दुष्काळी परिस्थितीत लोकांचे हाल टाळण्यासाठी धरणातील पाणीसाठा सुरक्षित ठेवण्याबाबत संबंधित विभागाने गांभीर्याने निर्णय घ्यावा, अशी अपेक्षा व्यक्त करण्यात आली आहे.