रत्नागिरी शासकीय रुग्णालयात मोफत श्रवणयंत्रांचे वाटप; गरजूंच्या आयुष्यात पुन्हा उमटला 'आवाज'!

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

रत्नागिरी शासकीय रुग्णालयात मोफत श्रवणयंत्रांचे वाटप; गरजूंच्या आयुष्यात पुन्हा उमटला 'आवाज'!

टाईम्स स्पेशल

2026-10-27 00:00:00

टाइम्स स्पेशल

रत्नागिरी : आर्थिकदृष्ट्या दुर्बल आणि गरजू रुग्णांना दर्जेदार आरोग्यसेवा उपलब्ध करून देण्याच्या दृष्टीने शासकीय वैद्यकीय महाविद्यालय व रुग्णालय रुग्णालय, रत्नागिरी मधील कान, नाक व घसाशास्त्र विभागाने एक महत्त्वपूर्ण आणि समाजोपयोगी पाऊल उचलले आहे. रुग्णालयाच्या इतिहासात प्रथमच गरजू रुग्णांना मोफत श्रवणयंत्रांचे वाटप करण्यात आले. त्यामुळे श्रवणदोषामुळे संवाद आणि दैनंदिन जीवनात अडचणींचा सामना करणाऱ्या रुग्णांच्या आयुष्यात नव्या आशेचा किरण निर्माण झाला आहे. या उल्लेखनीय उपक्रमामागे कान, नाक, घसाशास्त्र विभागाच्या विभागप्रमुख डॉ. सुनिता बागे यांचा विशेष पुढाकार, सातत्यपूर्ण प्रयत्न आणि रुग्णांविषयीची संवेदनशिलता महत्त्वाची ठरली. आर्थिक परिस्थितीमुळे महागडी श्रवणयंत्रे घेणे शक्य नसलेल्या रुग्णांना ही सुविधा मोफत उपलब्ध व्हावी, यासाठी डॉ. बागे यांनी विशेष प्रयत्न केले. त्यांच्या या प्रयत्नांना शासकिय वैद्यकीय महाविद्यालय व रुग्णालय रत्नागिरीचे मा.अधिष्ठाता आणि प्रशासनाची साथ मिळाल्याने हा उपक्रम यशस्वीपणे प्रत्यक्षात आला.

https://ratnagiritimes.in//assets/images/2020/add/2020/sky22.jpg

श्रवणशक्ती कमी होणे ही केवळ वैद्यकीय समस्या नसून त्याचा परिणाम व्यक्तीच्या सामाजिक, कौटुंबिक आणि मानसिक जीवनावरही होतो. अनेक रुग्णांना कुटुंबियांशी संवाद साधताना अडचणी येतात, तर काही जण हळूहळू सामाजिक जीवनापासून दूर जातात. अशा परिस्थितीत योग्य श्रवणयंत्र मिळणे म्हणजे त्यांच्या आयुष्यात संवादाची नवी दारे उघडण्यासारखे आहे. ही गरज ओळखून डॉ. सुनिता बागे यांनी गरजू रुग्णांसाठी हा उपक्रम पुढे नेला. रुग्णांची तपासणी, श्रवण चाचणी, श्रवणदोषाचे मूल्यांकन आणि त्यानुसार योग्य श्रवणयंत्र उपलब्ध करून देण्याच्या प्रक्रियेत त्यांनी विशेष लक्ष दिले. त्यामुळे हा उपक्रम केवळ मोफत श्रवणयंत्र वाटप इतकाच मर्यादित न राहता, रुग्णांना पुन्हा आत्मविश्वासाने संवाद साधता यावा आणि त्यांचे जीवनमान सुधारावे, या व्यापक उद्देशाने राबविण्यात आला आहे. तसेच महात्मा ज्योतिराव फुले जन आरोग्य योजनेची (MJPJAY) जबाबदारी सांभाळणाऱ्या डॉ. सुनिता बागे यांनी या योजनेचा लाभ गरजू रुग्णांपर्यंत पोहोचविण्यासाठी केलेले कार्य विशेष कौतुकास्पद ठरले आहे. योजनेच्या माध्यमातून पात्र रुग्णांना आवश्यक उपचार व सुविधा मिळवून देताना त्यांनी रुग्णांच्या गरजेला प्राधान्य दिले. त्याचाच एक भाग म्हणून आर्थिकदृष्ट्या दुर्बल रुग्णांना श्रवणयंत्राची सुविधा उपलब्ध करून देण्यासाठी त्यांनी विशेष पुढाकार घेतला. रुग्णांची गरज ओळखणे, त्यांना योग्य मार्गदर्शन करणे,आवश्यक प्रक्रिया पूर्ण करून घेणे आणि योजनेच्या माध्यमातून उपलब्ध सुविधा रुग्णांपर्यंत पोहोचविण्यासाठी सातत्याने पाठपुरावा करणे या त्यांच्या कार्यामुळे हा उपक्रम यशस्वी झाला. MJPJAY सारख्या महत्त्वाच्या शासकीय योजनेचा प्रभावीपणे वापर करून त्याचा प्रत्यक्ष लाभ गरजू रुग्णांना मिळवून देणे ही निश्चितच प्रशंसनिय बाब आहे.

टाईम्स स्पेशल

या उपक्रमाच्या यशाबद्दल शासकीय वैद्यकीय महाविद्यालय व रुग्णालय, रत्नागिरीचे मा.अधिष्ठाता डॉ.जयप्रकाश रामानंद यांनी डॉ. सुनिता बागे यांच्या कार्याचे विशेष कौतुक केले. गरजू रुग्णांची अडचण ओळखून त्यांच्यासाठी अशा प्रकारचा उपक्रम राबविण्यासाठी पुढाकार घेणे, त्यासाठी पाठपुरावा करणे आणि तो प्रत्यक्षात आणणे ही निश्चितच उल्लेखनीय बाब असल्याचे त्यांनी नमूद केले. डॉ. बागे यांच्या प्रयत्नांमुळे कान, नाक व घसाशास्त्र विभागाच्या माध्यमातून रुग्णांना एक महत्त्वाची सुविधा मिळाली असून, अशा रुग्णहिताच्या उपक्रमांमुळे शासकीय रुग्णालयाविषयी नागरिकांचा विश्वास अधिक दृढ होतो असेही मा. अधिष्ठाता यांनी कौतुकाने सांगितले. दरम्यान, या उपक्रमासाठी रुग्णालय प्रशासनाने दिलेल्या सहकार्याबद्दल डॉ. सुनिता बागे यांनी मा. अधिष्ठाता यांचे मनःपूर्वक आभार मानले. प्रशासनाकडून मिळालेले सहकार्य आणि प्रोत्साहन यामुळे गरजू रुग्णांसाठी हा उपक्रम यशस्वीपणे राबविता आला, असे त्यांनी नमूद केले. रुग्णांच्या हितासाठी काम करताना प्रशासन, डॉक्टर्स, ऑडिओलॉजिस्ट, परिचारिका आणि इतर कर्मचारी यांचा समन्वय अत्यंत महत्त्वाचा असतो. या सर्वांच्या सहकार्यामुळेच हा उपक्रम शक्य झाल्याचे सांगत डॉ. बागे यांनी संबंधित सर्वांचे आभार व्यक्त केले. श्रवणयंत्राच्या माध्यमातून आता कुटुंबियांशी अधिक सहज संवाद साधता येणार असून, दैनंदिन व्यवहारातही आत्मविश्वास वाढणार आहे. त्यामुळे रुग्णांच्या चेहऱ्यावर समाधान आणि आनंद दिसून आला. तसेच संबंधित रुग्णांनी सदर उपक्रमाबद्दल शासकीय वैद्यकीय महाविद्यालय व रुग्णालय रत्नागिरी चे अधिष्ठाता डॉ. जयप्रकाश रामानंद, डॉ. सुनीता बागे यांचे आभार मानले.