दगडाला ठेच लागून डोक्यावर पडल्याने जखमी झालेल्या वृद्धाचा मुंबईत उपचारादरम्यान मृत्यू

Breaking News

टाइम्स स्पेशल: प्रशासनाचा 'क्रीज' सोडून जिल्हाधिकारी मनुज जिंदल 'पीच' वर जिल्हा क्रीडा अधिकाऱ्यांच्या बाॕलवर जिल्हाधिकाऱ्यांचा 'चौकार'
टाइम्स स्पेशल: कोजागिरीच्या पूर्वसंध्येला रत्नागिरीत रंगणार काव्य मैफल, रसिकांना मेजवानी!
टाइम्स स्पेशल: संगमेश्वर तालुक्यातील मुरादपूर गावाने मारली बाजी; डिजिटल पीक पाहणी सर्वेक्षण १००% पूर्ण करणारे ठरले पहिले गाव!
टाइम्स स्पेशल: रिस येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: वाचन प्रेरणा सन्मानाने श्रद्धा कळंबटे सन्मानित
टाइम्स स्पेशल: काशी विश्वनाथ धाममध्ये रायगडच्या पं. उमेश चौधरी यांच्या स्वरांचा निनाद!, वाराणसीत शास्त्रीय गायनातून शिवभक्तीचा सुरेल आविष्कार
टाइम्स स्पेशल: ह.भ.प. गणेश भोईर यांचे निधन
टाइम्स स्पेशल: धनादेश अनादरप्रकरणी आरोपींची निर्दोष मुक्तता
टाइम्स स्पेशल: मालवण नगरपरिषदेच्या पर्यावरणपूरक गणेश सजावट स्पर्धेत गौरेश कांबळी प्रथम, समीर वायंगणकर द्वितीय तर भूषण मेतर तृतीय
टाइम्स स्पेशल: अंत्योदय शिधापत्रिकाधारकांना नोव्हेंबर महिन्यासाठी ३५ किलो मोफत अन्नधान्य मंजूर जिल्ह्यातील ३७ हजार १६५ कुटुंबांना होणार लाभ
टाइम्स स्पेशल: सम्यक प्रबोधिनी जामसंडे (मुंबई) गाव शाखा मंडळाच्या विद्यमाने धम्मचक्र प्रवर्तन दिन तथा अशोक विजया दशमी कार्यक्रम संपन्न
टाइम्स स्पेशल: अवनी नेनेची रशियातील पशुवैद्यकीय अभ्यासक्रमासाठी निवड, वाडा हायस्कूलमध्ये शुभेच्छा समारंभ उत्साहात
टाइम्स स्पेशल: पालकमंत्री मंत्री नितेश राणे यांच्या संकल्पनेतून देवगडच्या विकासाला नवा मार्ग!, ओरोस-देवगड थेट मार्गाचा राज्याच्या रस्ते विकास आराखड्यात समावेश
टाइम्स स्पेशल: पडेल येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: कुणकेश्वर हायस्कूलच्या खेळाडूंची तालुकास्तरीय स्पर्धेत खेळाडूंची चमकदार कामगिरी, जिल्हास्तरीय स्पर्धेसाठी निवड
टाइम्स स्पेशल: काव्यवाचन स्पर्धेत बांद्याचा नैतिक मोरजकर राज्यात द्वितीय
टाइम्स स्पेशल: राष्ट्रीय एकता मोटरसायकल रॅलीचे बांदयात स्वागत; 'फाईट अगेन्स्ट ड्रग्ज'चा रॅलीतून संदेश
टाइम्स स्पेशल: शिवनारीच्या युवा शक्तीचा गाव विकासासाठी पुढाकार, लोक वर्गणीतून प्रवासी निवारा एस. टी.शेड बांधण्याच्या कामाचा शानदार शुभारंभ
टाइम्स स्पेशल: दसऱ्यानंतर कणकवलीच्या गावऱ्हाटी देवतांचे सीमोल्लंघन, ढोल-ताशांच्या गजरात आणि फटाक्यांच्या आतषबाजीत देवतांचे स्वागत
टाइम्स स्पेशल: आंबव पोंक्षेतील प्रकाश पोंक्षे यांनी स्वखर्चाने बांधले बंधारे, सेवानिवृत्तीनंतर देखील सामाजिक कार्याचा आदर्श

Breaking News

दगडाला ठेच लागून डोक्यावर पडल्याने जखमी झालेल्या वृद्धाचा मुंबईत उपचारादरम्यान मृत्यू

टाईम्स स्पेशल

2026-10-22 00:00:00

टाइम्स स्पेशल

खेड : रस्त्याने चालताना अचानक दगडाला ठेच लागून खाली कोसळल्याने डोक्याला गंभीर दुखापत झालेल्या मंडणगड तालुक्यातील कुंबळे येथील एका ५९ वर्षीय व्यक्तीचा मुंबईतील सर जे. जे. रुग्णालयात उपचारादरम्यान दुर्दैवी मृत्यू झाला. विनोद महादेव गायकवाड (वय ५९, रा. कुंबळे पाटीलवाडी, ता. मंडणगड, जि. रत्नागिरी) असे मयत झालेल्या व्यक्तीचे नाव आहे. या दुर्घटनेमुळे ग्रामीण भागातील वैद्यकीय सुविधांची वानवा पुन्हा एकदा चव्हाट्यावर आली असून, वेळेत पुरेशी आरोग्य यंत्रणा न मिळाल्याने रुग्णाला मुंबईपर्यंत धाव घ्यावी लागली. मिळालेल्या माहितीनुसार, १३ ऑक्टोबर रोजी सकाळी साडेदहा वाजण्याच्या सुमारास विनोद गायकवाड हे गावात फिरत असताना कुंबळे बस स्टॉपजवळ त्यांचा पाय एका दगडाला ठेचकळला. तोल गेल्याने ते थेट डोक्यावर आपटले आणि त्यांच्या डोक्यातून मोठ्या प्रमाणावर रक्तस्राव सुरू झाला.

https://ratnagiritimes.in//assets/images/2020/add/2020/sky22.jpg

घटनेचे गांभीर्य ओळखून आजूबाजूच्या नागरिकांनी त्यांना तातडीने कुंबळे येथील प्राथमिक आरोग्य केंद्रात दाखल केले. मात्र दुखापत गंभीर असल्याने त्यांना तात्काळ मंडणगड येथील ग्रामीण रुग्णालयात हलवण्यात आले. तेथे तपासणीनंतर डॉक्टरांनी डोक्याला अंतर्गत दुखापत झाल्याचा संशय व्यक्त करत तातडीने सीटी स्कॅन करण्याचा सल्ला दिला. मंडणगड शहरात सीटी स्कॅनची कोणतीही सुविधा उपलब्ध नसल्यामुळे नातेवाईकांनी त्यांना पुढील तपासणीसाठी रायगड जिल्ह्यातील माणगाव येथील उपजिल्हा रुग्णालयात नेले. माणगाव येथे सीटी स्कॅन केल्यानंतर गायकवाड यांच्या डोक्यात अंतर्गत रक्तस्रावामुळे रक्ताच्या गाठी झाल्याचे निष्पन्न झाले. मात्र तेथेही अशा गुंतागुंतीच्या उपचारासाठी आवश्यक त्या अद्ययावत सुविधा उपलब्ध नसल्याने डॉक्टरांनी त्यांना मुंबईला नेण्याचा सल्ला दिला. त्यानंतर नातेवाईकांनी धावपळ करत १३ ऑक्टोबर रोजी सायंकाळी सात वाजण्याच्या सुमारास त्यांना मुंबईतील सर जे. जे. रुग्णालयात दाखल केले.

टाईम्स स्पेशल

जे. जे. रुग्णालयात अतिदक्षता विभागात उपचार सुरू असताना दुसर्‍या दिवशी, म्हणजेच १४ ऑक्टोबर रोजी सकाळी साडेअकरा वाजण्याच्या सुमारास त्यांची प्राणज्योत मालवली. या घटनेनंतर जे. जे. मार्ग पोलीस ठाण्यात शून्य क्रमांकाने अकस्मात मृत्यूची नोंद करण्यात आली होती. त्यानंतर मुंबई पोलिसांनी प्रकरणाची सर्व कागदपत्रे टपालाद्वारे पुढील तपासासाठी स्थानिक पोलिसांकडे वर्ग केली. त्यानुसार मयत व्यक्तीचा मुलगा विजय विनोद गायकवाड यांच्या खबरीवरून मंडणगड पोलीस ठाण्यात अकस्मात मृत्यू क्रमांक २०/२०२६, भारतीय नागरिक सुरक्षा संहिता (बीएनएसएस) कलम १९४ अन्वये गुन्हा नोंदवण्यात आला असून पोलीस पुढील तपास करत आहेत.