सिंधूगणेश’ ब्रँड राज्यभर पोहोचविण्याचा प्रयत्न; पहिल्या ४० मूर्तीकारांना प्राधान्य, प्रदर्शनासाठी नोंदणी विनामूल्य

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

सिंधूगणेश’ ब्रँड राज्यभर पोहोचविण्याचा प्रयत्न; पहिल्या ४० मूर्तीकारांना प्राधान्य, प्रदर्शनासाठी नोंदणी विनामूल्य

टाईम्स स्पेशल

2026-10-24 00:00:00

टाइम्स स्पेशल

मालवण (प्रतिनिधी) : सिंधुदुर्ग जिल्ह्याच्या समृद्ध कलापरंपरेतील गणेशमूर्ती कलेला व्यापक व्यासपीठ मिळवून देण्यासाठी मालवणात १० नोव्हेंबर २०२६ रोजी भव्य गणेशमूर्ती प्रदर्शनाचे आयोजन करण्यात येणार आहे. जय गणेश मूर्तिकार कारागीर सहकारी संस्था मर्यादित, मालवण यांच्या वतीने आयोजित या प्रदर्शनातून जिल्ह्यातील हाताने गणेशमूर्ती घडविणाऱ्या कलाकारांची कला राज्यभर पोहोचविण्याचा प्रयत्न केला जाणार आहे. बलिप्रतिपदेच्या दिवशी श्री देवरामेश्वर नारायण यांच्या पालखी परिक्रमा प्रदक्षिणा सोहळ्याच्या निमित्ताने हे प्रदर्शन भरविण्यात येणार आहे. कोकणातील गणेशमूर्ती कलेला मोठी परंपरा आहे. या परंपरेतून अनेक नामवंत मूर्तिकार घडले असून, त्यांच्या मार्गदर्शनाखाली जिल्ह्यातील गावागावांत नवे कलाकार तयार झाले आहेत. मात्र, अनेक कुशल मूर्तिकारांना त्यांच्या कलेनुसार प्रसिद्धी आणि व्यावसायिक संधी मिळत नसल्याचे चित्र आहे. अशा कलाकारांची कलाकृती अधिकाधिक लोकांपर्यंत पोहोचावी, त्यांच्या कामाला योग्य व्यावसायिक दिशा मिळावी आणि त्यांच्या उत्पन्नात वाढ होण्यास मदत व्हावी, हा या प्रदर्शनामागील प्रमुख उद्देश आहे.

https://ratnagiritimes.in//assets/images/2020/add/2020/sky22.jpg

सिंधुदुर्गातील गणेशमूर्ती कलेची स्वतंत्र ओळख निर्माण करून ‘सिंधूगणेश’ हा ब्रँड राज्यभर पोहोचविण्याचे संस्थेचे उद्दिष्ट आहे. यासाठी राज्यातील तसेच जिल्ह्याबाहेरील गणेशमूर्ती व्यावसायिकांना प्रदर्शनासाठी आमंत्रित करण्यात येणार आहे. विशेषतः कच्च्या गणेशमूर्ती खरेदी करणाऱ्या व्यावसायिकांना या प्रदर्शनात सहभागी करून जिल्ह्यातील मूर्तिकारांसाठी नवीन व्यावसायिक संधी निर्माण करण्याचा प्रयत्न केला जाणार आहे. या प्रदर्शनासाठी केवळ सिंधुदुर्ग जिल्ह्यातील मूर्तिकारांना सहभागी होता येणार आहे. मूर्ती पूर्णपणे हाताने घडविलेली असणे आवश्यक असून, डोक्यापासून पायापर्यंत मूर्ती तयार करताना साच्याचा वापर केलेला नसावा. मूर्ती मातीची, दोन फुटांपेक्षा कमी उंचीची आणि रंग न दिलेल्या कच्च्या स्वरूपातील असावी. मूर्तीच्या मागील बाजूस मूर्तिकाराचे नाव, संपर्क क्रमांक आणि ‘सिंधूगणेश’ असा उल्लेख कोरलेला असणे आवश्यक आहे. तसेच प्रदर्शनाच्या दिवशी मूर्तीच्या मातीत थोडा ओलावा शिल्लक राहील, याची काळजी घेण्याचे आवाहन करण्यात आले आहे.

टाईम्स स्पेशल

प्रदर्शनासाठी कोणतेही नोंदणी शुल्क आकारले जाणार नाही. मात्र, प्रथम नोंदणी करणाऱ्या ४० मूर्तीकारांच्या कलाकृतींना प्राधान्य दिले जाणार आहे. इच्छुक मूर्तिकारांनी ९४२२४३४३८० या क्रमांकावर संपर्क साधून नोंदणी करावी. प्रदर्शनासंबंधीच्या अटी व शर्ती नोंदणीनंतर व्हॉट्सॲपद्वारे कळविण्यात येणार आहेत. हे प्रदर्शन स्पर्धा नसून मूर्तिकारांच्या कलेला प्रसिद्धी मिळवून देण्यासाठी आयोजित करण्यात येत आहे. त्यामुळे प्रदर्शनात कोणतेही क्रमांक किंवा पारितोषिकांसाठी क्रमवारी काढली जाणार नाही. प्रदर्शनासाठी दिलेली मूर्ती प्रदर्शनानंतर संस्थेकडेच जमा राहील; ती संबंधित मूर्तिकाराला परत दिली जाणार नाही. सिंधुदुर्गातील पारंपरिक गणेशमूर्ती कलेला व्यावसायिक व्यासपीठ मिळवून देण्याच्या या उपक्रमात जिल्ह्यातील अधिकाधिक हाताने मूर्ती घडविणाऱ्या कलाकारांनी सहभागी व्हावे, असे आवाहन जय गणेश मूर्तिकार कारागीर सहकारी संस्था मर्यादित, मालवण यांच्या वतीने करण्यात आले आहे.