पाचलच्या जिल्हा परिषद शाळा क्रमांक एकच्या परिसरात दोन बिबट्यांचा वावर? वनविभागाला कळवूनही अधिकारी फिरकले नाहीत; ग्रामस्थांमध्ये भीतीचे वातावरण

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

पाचलच्या जिल्हा परिषद शाळा क्रमांक एकच्या परिसरात दोन बिबट्यांचा वावर? वनविभागाला कळवूनही अधिकारी फिरकले नाहीत; ग्रामस्थांमध्ये भीतीचे वातावरण

टाइम्स स्पेशल

2026-10-30 00:00:00

टाइम्स स्पेशल

पाचल / तुषार पाचलकर: तालुक्यातील पाचल येथील पूर्ण प्राथमिक जिल्हा परिषद शाळा क्रमांक एकच्या परिसरात शुक्रवारी, ३० ऑक्टोबर रोजी दुपारी साडेबारा वाजण्याच्या सुमारास दोन बिबट्यांचा वावर आढळल्याची माहिती समोर आल्याने परिसरात भीतीचे वातावरण निर्माण झाले. शाळेच्या परिसरात बिबट्यांचा वावर असल्याची माहिती मिळताच शाळा प्रशासनाने सतर्कता बाळगत विद्यार्थ्यांना आवश्यक त्या सूचना दिल्या. मात्र, या घटनेची माहिती देऊनही वनविभागाचे अधिकारी किंवा कर्मचारी घटनास्थळी न पोहोचल्याने वनविभागाच्या कार्यपद्धतीबाबत प्रश्न उपस्थित होत आहेत.

https://ratnagiritimes.in//assets/images/2020/add/2020/sky22.jpg

पाचल येथील एका ग्रामस्थालाही दोन दिवसांपूर्वी याच परिसरात बिबट्याचा वावर आढळल्याचे सांगण्यात येत आहे. त्यामुळे शाळेच्या परिसरात बिबट्यांचा वावर असण्याची शक्यता ग्रामस्थांकडून व्यक्त केली जात असून, विद्यार्थ्यांच्या सुरक्षिततेचा प्रश्न ऐरणीवर आला आहे. शाळेच्या परिसरातच बिबट्यांचा वावर असल्याची माहिती समोर आल्याने पालक आणि ग्रामस्थांमध्ये चिंतेचे वातावरण आहे.या घटनेची माहिती मिळताच शाळेच्या मुख्याध्यापिका सौ. शुभांगी सागरे यांनी विद्यार्थ्यांना योग्य त्या सूचना देऊन सतर्क केले. तसेच, ग्रामपंचायत पाचलच्या माध्यमातून वनविभागाच्या अधिकाऱ्यांना घटनेची माहिती देण्यात आली. माहिती मिळाल्यानंतर दुपारनंतर घटनास्थळी पाहणी करून आवश्यक त्या उपाययोजना करण्यात येतील, असे वनविभागाकडून सांगण्यात आल्याची माहिती आहे. मात्र, संध्याकाळपर्यंत वनविभागाचा एकही अधिकारी अथवा कर्मचारी घटनास्थळी दाखल झाला नसल्याचे सांगण्यात येत आहे. शाळेच्या परिसरात बिबट्यांचा वावर असल्याची शक्यता असताना आणि विद्यार्थ्यांच्या सुरक्षिततेचा प्रश्न निर्माण झालेला असताना वनविभागाकडून प्रत्यक्ष पाहणीसाठी विलंब का झाला, असा सवाल आता उपस्थित होत आहे. केवळ माहिती घेऊन उपाययोजनांचे आश्वासन देण्यापलीकडे वनविभागाची प्रत्यक्ष कृती कधी दिसणार, असा प्रश्नही ग्रामस्थांकडून विचारला जात आहे.

टाइम्स स्पेशल

दुसरीकडे, घटनेची माहिती मिळताच ग्रामपंचायत पाचलने तातडीने घटनास्थळी भेट देत परिस्थितीची माहिती घेतली. उपसरपंच आत्माराम सुतार, सदस्य विनायक सक्रे, ग्रामविकास अधिकारी संतोष चव्हाण, लिपिक कल्पेश सुतार, शिपाई नंदू पांचाळ तसेच ग्रामस्थांनी घटनास्थळी जाऊन पाहणी केली.शाळेच्या परिसरात बिबट्यांचा वावर असल्याची शक्यता व्यक्त होत असताना विद्यार्थ्यांच्या सुरक्षिततेला सर्वोच्च प्राधान्य देणे आवश्यक आहे. ग्रामपंचायत प्रशासनाने घटनेची दखल घेऊन घटनास्थळी धाव घेतली असताना वनविभागाच्या अधिकाऱ्यांची अनुपस्थिती मात्र चर्चेचा विषय ठरली आहे. संभाव्य धोका लक्षात घेता वनविभागाने तातडीने परिसराची पाहणी करून आवश्यक उपाययोजना कराव्यात, अशी अपेक्षा ग्रामस्थांकडून व्यक्त होत आहे.