कुडा लेणी तळा रायगड येथे बुद्ध लेणी, शिल्पकला, अशोक कालीन व सातवाहन कालीन धम्मलिपी अभ्यास या कार्यशाळेचे आयोजन

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

कुडा लेणी तळा रायगड येथे बुद्ध लेणी, शिल्पकला, अशोक कालीन व सातवाहन कालीन धम्मलिपी अभ्यास या कार्यशाळेचे आयोजन

टाईम्स स्पेशल

2026-11-03 00:00:00

टाइम्स स्पेशल

संगमेश्वर (मकरंद सुर्वे) - दान पारमिता फाउंडेशन, यांच्या वतीने दिनांक ३१ ऑक्टोबर २०२६ रोजी रायगड जिल्ह्यातील तळा येथील ऐतिहासिक कुडालेणी येथे बुद्ध लेणी, शिल्पकला, अशोक कालीन व सातवाहन कालीन इतिहास आणि धम्मलिपी अभ्यास कार्यशाळेचे आयोजन करण्यात आले होते. या कार्यशाळेला महाराष्ट्रातील विविध जिल्ह्यांतून विद्यार्थी, अभ्यासक आणि धम्मप्रेमी उत्स्फूर्तपणे सहभागी झाले होते. या कार्यशाळेत कुडालेणी येथील बुद्ध लेण्यांचा इतिहास, प्राचीन शिल्पकला, स्थापत्यशैली तसेच लेण्यांच्या प्रवेशद्वारांच्या बाहेरील बाजूस असलेल्या सातवाहनकालीन धम्मलिपीतील शिलालेखांविषयी सविस्तर मार्गदर्शन करण्यात आले. विशेष म्हणजे, विद्यार्थ्यांनी प्रत्यक्ष शिलालेखांचे वाचन करून प्राचीन धम्मलिपीचा अभ्यास केला. त्यामुळे इतिहास, भाषा आणि धम्मसंस्कृती यांचा प्रत्यक्ष अनुभव घेण्याची संधी उपस्थितांना मिळाली. या विषयी परिपूर्ण मार्गदर्शन दान पारमिता फाउंडेशनचे प्रमुख मार्गदर्शक सुनील खरे,संतोष अंभोरे,रूपाली गायकवाड आणि विकास शिंदे यांनी केले. कार्यशाळेचे प्रास्ताविक रूपाली गायकवाड यांनी केले. आपण या ऐतिहासिक स्थळी कशासाठी एकत्र आलो आहोत, यामागील उद्देश स्पष्ट करताना त्यांनी लेणी संवर्धन, ऐतिहासिक वारशाचे जतन आणि धम्मपरंपरेचे संरक्षण यांचे महत्त्व विशद केले.

https://ratnagiritimes.in//assets/images/2020/add/2020/sky22.jpg

डॉ. बाबासाहेब आंबेडकर यांनी भारतात पुन्हा धम्माचा रथ पुढे आणला आहे. हा धम्माचा रथ पुढील पिढ्यांपर्यंत घेऊन जाण्याची जबाबदारी आपली आहे. त्यासाठी आपल्या ऐतिहासिक वारशाची ओळख करून घेणे आणि त्याचे जतन करणे आवश्यक आहे, असे त्यांनी सांगितले. तसेच अशा ऐतिहासिक लेण्यांना केवळ वैयक्तिक भेट न देता आपल्या कुटुंबीयांसह भेट द्यावी, जेणेकरून पुढील पिढीलाही आपल्या समृद्ध इतिहासाची ओळख होईल, असे आवाहन केले. सुनील खरे यांनी बुद्ध लेण्यांचा इतिहास, लेण्यांची निर्मिती, प्राचीन भाषा, शिलालेखांचे महत्त्व आणि त्यांचे वाचन कसे करावे, याविषयी सविस्तर माहिती दिली. प्राचीन इतिहास समजून घेण्यासाठी केवळ लेणी पाहणे पुरेसे नसून त्यामागील भाषा, लिपी, शिल्पकला आणि ऐतिहासिक संदर्भ समजून घेणे आवश्यक आहे, असे त्यांनी स्पष्ट केले. विकास शिंदे यांनी सातवाहनकालीन राजे, त्यांचा इतिहास, त्या काळातील सामाजिक व सांस्कृतिक परिस्थिती आणि बौद्ध धम्माच्या प्रसारातील योगदान याविषयी माहिती दिली.आजची तरुण पिढी केवळ आधुनिकतेच्या मागे धावत नसून आपल्या धम्माचा इतिहास, बुद्ध लेणी, प्राचीन शिलालेख आणि सांस्कृतिक वारसा जाणून घेण्यासाठी जागरूक होत आहे, ही अत्यंत समाधानाची बाब असल्याचे नमूद करण्यात आले.

टाईम्स स्पेशल

या कार्यशाळेस रत्‍नागिरी, अमरावती, बारामती, नाशिक, मुंबई, सातारा आदी ठिकाणांहून विद्यार्थी व अभ्यासक, धम्मप्रेमी आपल्या कुटुंबीयांसह सहभागी झाले होते. रत्नागिरी जिल्ह्यातून पाली भाषा अभ्यासक प्रा.दिलीप वासनिक यांच्या सोबत विजय जाधव, अनामिका जाधव, दिपिका वासनिक, संजय आयरे,सुप्रिया आयरे,सुहास कांबळे,तृप्ती कांबळे, तानाजी कांबळे शुभांगी कांबळे, प्रकाश कांबळे, रजनी कांबळे, अशोक जाधव,अनिल जाधव, नंदादीप जाधव,मनोज गमरे, अतुल कांबळे, आदेश कांबळे आणि मृण्मयी गमरे आदींचा समावेश होता. या कार्यशाळेच्या निमित्ताने प्राचीन बुद्ध लेणी, सातवाहनकालीन धम्मलिपी आणि बौद्ध संस्कृतीचा ऐतिहासिक वारसा प्रत्यक्ष अनुभवण्याची संधी सर्वांना मिळाली. पुस्तकांमधून इतिहास वाचण्याबरोबरच प्रत्यक्ष ऐतिहासिक स्थळांना भेट देऊन तेथील शिलालेखांचे वाचन करणे, त्यांचा अर्थ समजून घेणे आणि त्यांचे संवर्धन करण्याची जाणीव निर्माण करणे, हा या कार्यशाळेचा महत्त्वपूर्ण उद्देश होता.ऐतिहासिक लेणी ही केवळ दगडात कोरलेली वास्तू नसून ती आपल्या पूर्वजांच्या ज्ञानाची, कलात्मक कौशल्याची, धम्मनिष्ठेची आणि सांस्कृतिक समृद्धीची जिवंत साक्ष आहेत. हा वारसा समजून घेणे, जतन करणे आणि पुढील पिढीपर्यंत पोहोचवणे ही काळाची गरज आहे.अशा प्रकारच्या अभ्यासपूर्ण कार्यशाळांमुळे नव्या पिढीमध्ये बौद्ध इतिहास, पाली भाषा, धम्मलिपी आणि लेणी संवर्धनाविषयी निश्चितच आवड व जागरूकता निर्माण होईल.