उमरे धरणाच्या गळतीवर तात्पुरता उपाय; जाकवेळजवळ दगडमातीचा बंधारा उभारण्यास सुरुवात, आमदार शेखर निकम यांच्या सहकार्यातून जेसीबी उपलब्ध

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

उमरे धरणाच्या गळतीवर तात्पुरता उपाय; जाकवेळजवळ दगडमातीचा बंधारा उभारण्यास सुरुवात, आमदार शेखर निकम यांच्या सहकार्यातून जेसीबी उपलब्ध

टाईम्स स्पेशल

2026-10-29 00:00:00

टाइम्स स्पेशल

संगमेश्वर (सत्यवान विचारे) - संगमेश्वर तालुक्यातील उमरे धरणाला गेल्या पाच वर्षांपासून लागलेली गळती तातडीने रोखणे शक्य नसल्याने, संभाव्य पाणीटंचाईवर तात्पुरता उपाय म्हणून आमदार शेखर निकम यांच्या सहकार्यातून उमरे-जाकवेळजवळ दगडमातीचा बंधारा उभारण्याच्या कामाला सुरुवात करण्यात आली आहे. धरणातून मोठ्या प्रमाणात पाणी वाया जात असल्याने आगामी उन्हाळ्यात दहा गावांवर पाणीटंचाईचे संकट ओढवण्याची भीती व्यक्त होत आहे. उमरे धरणाला गेल्या पाच वर्षांपासून गळती लागली असून, यातून दर सेकंदाला लाखो लिटर पाणी वाया जात असल्याचे ग्रामस्थांचे म्हणणे आहे. ही परिस्थिती कायम राहिल्यास डिसेंबरपासूनच परिसरातील दहा गावांना पाणीटंचाईचा सामना करावा लागू शकतो. त्यामुळे धरणाची गळती रोखण्यासाठी तातडीने उपाययोजना करण्याची मागणी ग्रामस्थांकडून होत होती.

https://ratnagiritimes.in//assets/images/2020/add/2020/sky22.jpg

या गंभीर समस्येकडे राष्ट्रवादी काँग्रेसचे तालुकाध्यक्ष राजेंद्र पोमेंडकर यांच्या माध्यमातून आमदार शेखर निकम यांचे लक्ष वेधण्यात आले. ग्रामस्थांची अडचण लक्षात घेऊन आमदार निकम यांनी स्वखर्चाने जेसीबी उपलब्ध करून दिला. त्यानंतर धरणाच्या खालच्या बाजूस जाकवेळजवळ दगडमातीचा तात्पुरता बंधारा उभारण्याचे काम सुरू झाले आहे. दरम्यान, या पाणीटंचाईवर कोणत्या उपाययोजना करता येतील, यासाठी कसबा पंचायत समिती गणाचे विद्यमान सदस्य सुरेश माईन गेल्या दोन दिवसांपासून प्रत्यक्ष धरणस्थळी जाऊन परिस्थितीचा आढावा घेत होते. यावेळी त्यांनी सरपंच, उपसरपंच, ग्रामपंचायत सदस्य, ग्रामसेवक आणि ग्रामस्थांशी चर्चा करून धरणाची गळती थांबविण्यासाठी काय करता येईल याचा आढावा घेत होते. या उपाययोजनेमुळे पाण्याचा अपव्यय काही प्रमाणात रोखता आल्यास जानेवारीपासून जाणवू शकणार्‍या पाणीटंचाईची तीव्रता कमी होण्यास तसेच संकट काही महिने पुढे ढकलण्यास मदत होईल, अशी अपेक्षा व्यक्त केली जात आहे.

टाईम्स स्पेशल

बंधार्‍याच्या कामाला सुरुवात झाली, त्यावेळी पंचायत समिती सदस्य सुरेश माईन, फणसवणेच्या सरपंच उषाताई गुरव, उपसरपंच बंड्याशेठ नागवेकर, कळंबस्ते ग्रामपंचायतीचे सदस्य राजूशेठ पाटील, उमरे ग्रामविकास मंडळाचे अध्यक्ष महेंद्र जाधव, राजु तांबे, भरत मोहिते तसेच पाणीपुरवठा योजनेचे कर्मचारी आणि ग्रामस्थ उपस्थित होते. आमदार शेखर निकम यांच्या सहकार्यामुळे तात्पुरत्या उपाययोजनेला गती मिळाली असून, परिसरातील दहा गावांतील ग्रामस्थांना तूर्तास दिलासा मिळण्याची आशा निर्माण झाली आहे. मात्र, तात्पुरत्या बंधार्‍यामुळे कितपत पाणी अडवता येईल आणि धरणाची कायमस्वरूपी गळती कधी रोखली जाणार, हा प्रश्न अद्याप कायम आहे. त्यामुळे प्रशासनाने धरणाच्या गळतीवर कायमस्वरूपी उपाययोजना करून दहा गावांचा पाणीपुरवठा सुरक्षित करण्याची गरज व्यक्त होत आहे.