‘आरोग्याची साथ, देवगड पर्यटनाची’ ब्रीद वाक्यावर देवगड कोस्टल हाफ मॅरेथॉन, ३१ जानेवारीला स्पर्धा; पुरुष व महिला गटांसाठी स्वतंत्र पारितोषिके

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

‘आरोग्याची साथ, देवगड पर्यटनाची’ ब्रीद वाक्यावर देवगड कोस्टल हाफ मॅरेथॉन, ३१ जानेवारीला स्पर्धा; पुरुष व महिला गटांसाठी स्वतंत्र पारितोषिके

टाईम्स स्पेशल

2026-10-27 00:00:00

टाइम्स स्पेशल

देवगड (प्रतिनिधी) - ‘दौड आरोग्याची, साद पर्यटनाची’ या ब्रीद वाक्यावर आधारित रोटरी क्लब ऑफ मँगो सिटी, देवगडच्या वतीने ‘देवगड कोस्टल हाफ मॅरेथॉन’ स्पर्धेचे आयोजन रविवार, ३१ जानेवारी २०२७ रोजी करण्यात येणार आहे. देवगडच्या पर्यटनाला चालना देतानाच नागरिकांमध्ये आरोग्य आणि व्यायामाविषयी जनजागृती करणे, हा या स्पर्धेचा प्रमुख उद्देश आहे. स्पर्धेचा मार्ग देवगड येथील डायमंड हॉटेल ते कातवण असा असणार असून, स्पर्धेत सहभागी होऊ इच्छिणाऱ्या धावपटूंनी १५ जानेवारी २०२७ पर्यंत https://alpharacingsolution.com/e/devgad-hm-2027 या संकेत स्थळावरती ऑनलाइन नावनोंदणी करावी, असे आवाहन आयोजकांनी केले आहे. देवगडची निसर्गरम्य किनारपट्टी, सुंदर समुद्रकिनारे आणि पर्यटनस्थळांची ओळख व्यापक व्हावी, तसेच क्रीडा पर्यटनाच्या माध्यमातून स्थानिक पर्यटन व्यवसायाला चालना मिळावी, या उद्देशाने या स्पर्धेचे आयोजन करण्यात येत आहे. आरोग्यदायी जीवनशैलीचा संदेश देतानाच धावण्याच्या माध्यमातून देवगडच्या पर्यटन विकासाची साद घालण्याचा रोटरी क्लबचा प्रयत्न आहे.

https://ratnagiritimes.in//assets/images/2020/add/2020/sky22.jpg

स्पर्धेमध्ये २१ किलोमीटर, ११ किलोमीटर आणि ५ किलोमीटर फन रन अशा तीन प्रकारांचा समावेश आहे. २१ किलोमीटर स्पर्धेसाठी पुरुष व महिला गट स्वतंत्र असतील. प्रत्येक गटातील प्रथम क्रमांकाच्या विजेत्याला १० हजार रुपये, द्वितीय क्रमांकाच्या विजेत्याला ७ हजार रुपये आणि तृतीय क्रमांकाच्या विजेत्याला ५ हजार रुपये रोख पारितोषिक व पदक देण्यात येणार आहे. या प्रकारासाठी प्रवेश शुल्क १२०० रुपये आहे. ११ किलोमीटर स्पर्धेतील पुरुष व महिला गटांसाठीही स्वतंत्र पारितोषिके ठेवण्यात आली आहेत. प्रत्येक गटातील प्रथम क्रमांकासाठी ५ हजार रुपये, द्वितीय क्रमांकासाठी ३ हजार रुपये आणि तृतीय क्रमांकासाठी २ हजार रुपये रोख पारितोषिक व पदक देण्यात येणार आहे. या स्पर्धेसाठी प्रवेश शुल्क ८०० रुपये आहे. या शिवाय ११ किलोमीटर प्रकारात ४५ ते ५५, ५५ ते ६५ आणि ६५ वर्षांवरील अशा स्वतंत्र वयोगटांतील पुरुष व महिला स्पर्धकांसाठीही स्पर्धा होणार आहे. या प्रत्येक वयोगटातील प्रथम क्रमांकाच्या विजेत्याला ५ हजार रुपयांचे पारितोषिक देण्यात येणार आहे.

टाईम्स स्पेशल

५ किलोमीटर फन रनसाठी प्रवेश शुल्क ४०० रुपये ठेवण्यात आले आहे. स्पर्धेत सहभागी होणाऱ्या प्रत्येक स्पर्धकाला टी-शर्ट, पदक आणि ई-प्रमाणपत्र देण्यात येणार आहे. तसेच १५ डिसेंबर २०२६ पर्यंत नावनोंदणी करणाऱ्या स्पर्धकांना प्रवेश शुल्कात १० टक्के सवलत देण्यात येणार आहे. स्पर्धेसाठी इच्छुक धावपटूंनी खालील लिंकवर जाऊन ऑनलाइन नावनोंदणी करावी. https://alpharacingsolution.com/e/devgad-hm-2027 या स्पर्धेची माहिती देण्यासाठी आयोजित पत्रकार परिषदेला रोटरी क्लब ऑफ मँगो सिटीच्या अध्यक्ष अनुश्री पारकर, स्पर्धाप्रमुख रोटेरियन गौरव पारकर आणि रोटेरियन अनिल गांधी उपस्थित होते. ‘दौड आरोग्याची, साद पर्यटनाची’ या संकल्पनेतून आयोजित करण्यात येणाऱ्या या स्पर्धेत जिल्ह्यातील तसेच जिल्ह्याबाहेरील जास्तीत जास्त धावपटूंनी सहभागी व्हावे, असे आवाहन आयोजकांनी केले आहे.