loader
Breaking News
Breaking News
Foto

उबाठा सेनेला धक्का; संगमेश्वर उपतालुका प्रमुखांच्या मूळ गावातच राजकीय समीकरणांना धक्का

टाईम्स स्पेशल
2026-09-26 00:00:00
टाइम्स स्पेशल

संगमेश्वर (सत्यवान विचारे) - संगमेश्वर तालुक्यातील फणसवणे येथे शिवसेना (शिंदे गट) आणि उबाठा सेनेदरम्यानच्या स्थानिक राजकीय समीकरणांना नव्या घडामोडीने वेगळे वळण मिळाले आहे. उबाठा सेनेचे उपतालुका प्रमुख ज्या फणसवणे गावचे रहिवासी आहेत, त्याच गावातील जखमाता गुरववाडी, डिकेवाडी आणि सोनारवाडी परिसरातील प्रमुख ग्रामस्थ, कार्यकर्ते तसेच महिलांनी शिवसेनेत प्रवेश केला. रत्नागिरी येथील शिवसेना मध्यवर्ती कार्यालयात झालेल्या पक्षप्रवेश कार्यक्रमात उद्योगमंत्री तथा रत्नागिरीचे पालकमंत्री उदय सामंत यांच्या उपस्थितीत हा प्रवेश झाल्याचे शिवसेनेकडून सांगण्यात आले. शिवसेना जिल्हा संपर्कप्रमुख राजेंद्र महाडिक यांच्या मार्गदर्शनाखाली कार्यक्रमाचे आयोजन करण्यात आले होते. या पक्षप्रवेशाचे विशेष लक्षवेधी वैशिष्ट्य म्हणजे महिलांचा मोठा सहभाग. जखमाता गुरववाडी, डिकेवाडी आणि सोनारवाडीतील महिलांसह ग्रामस्थांनी शिवसेनेत प्रवेश केल्याने फणसवणे परिसरातील स्थानिक राजकारणात या घडामोडीची चर्चा सुरू झाली आहे.

https://ratnagiritimes.in//assets/images/2020/add/2020/sky22.jpg

पक्षप्रवेश करणार्‍या काही महिलांनी शासनाच्या विविध योजनांचा लाभ तसेच उदय सामंत यांच्या माध्यमातून झालेल्या विकासकामांमुळे शिवसेनेसोबत जाण्याचा निर्णय घेतल्याचे सांगितले. ‘मुख्यमंत्री माझी लाडकी बहीण’ योजनेबाबत रत्नागिरी जिल्ह्यात लाभार्थी महिलांपर्यंत योजना पोहोचविण्याचा प्रशासनाचा प्रयत्न झाल्याचे यापूर्वी सार्वजनिकरीत्या नमूद करण्यात आले आहे. यावेळी राजेंद्र महाडिक यांनी पक्षात प्रवेश करणार्‍या कार्यकर्त्यांचा सन्मान राखला जाईल आणि त्यांच्या स्थानिक प्रश्नांना प्राधान्य दिले जाईल, अशी भूमिका मांडल्याचे शिवसेनेच्या पदाधिकार्‍यांकडून सांगण्यात आले. फणसवणे परिसरातील या पक्षप्रवेशामुळे आगामी स्थानिक राजकीय घडामोडींच्या पार्श्वभूमीवर शिवसेना आणि उबाठा सेनेमध्ये स्थानिक पातळीवर पुन्हा एकदा राजकीय हालचालींना वेग येण्याची शक्यता व्यक्त केली जात आहे.

टाईम्स स्पेशल

पक्षप्रवेश करणार्‍यांमध्ये कमल गिजे, वासंती गिजे, जयवंती गिजे, संपदा महेश घोरपडे, सलोनी सु. गोरीवले, वैष्णवी वि. गोरीवले, सुनिता सि. गिजे, सुस्मिता स. गोरीवले, कलावती तु. गोरीवले, सायली स. गोरीवले, श्रद्धांजली शिंदे, सूर्यकांत गिजे, निलेश गिजे, महेश घोरपडे, रामदास गोरीवले, सचिन गोरीवले, अनंत गोरीवले, विनायक गोरीवले, तुकाराम गोरीवले, प्रविण जंगम, सुमित गोरीवले, विलास सागवेकर, सचिन जंगम, सखाराम गोरीवले, प्रतिक सागवेकर, अमूर गुरव, मनोज गुरव, रमाकांत गुरव, एकनाथ गुरव, वैभव पोमेंडकर, रविंद्र कदम, पांडुरंग शिंदे आणि संजय वरेकर यांचा समावेश असल्याचे पक्षाकडून सांगण्यात आले. पक्षात प्रवेश करणार्‍या ग्रामस्थांचे उदय सामंत यांनी भगवा गमछा घालून आणि पुष्पगुच्छ देऊन स्वागत केले. यावेळी आमदार किरण सामंत आणि जिल्हा संपर्कप्रमुख राजेंद्र महाडिक यांच्यासह शिवसेनेचे पदाधिकारी, महिला आघाडी, युवासेनेचे कार्यकर्ते आणि फणसवणे परिसरातील नागरिक उपस्थित होते. फणसवणे हे उबाठा सेनेच्या स्थानिक पदाधिकार्‍याचे मूळ गाव असल्याने या पक्षप्रवेशाकडे आगामी स्थानिक राजकारणाच्या दृष्टीने विशेष लक्ष लागले आहे. मात्र, या प्रवेशाचा प्रत्यक्ष राजकीय परिणाम आगामी निवडणुकांमध्येच स्पष्ट होणार आहे.

https://ratnagiritimes.in//assets/images/2020/add/2020/sky23.jpg

रत्नागिरी टाइम्स

tags : टाइम्स स्पेशल
foto
Author: रत्नागिरी टाइम्स
टाईम्स स्पेशल
टाइम्स स्पेशल
2026-09-26 00:00:00

कोकणचे सर्वाधिक खपाचे दैनिक

Previous Next

3 Comments

leave a reply

Recent Posts

रत्नागिरी टाइम्स

https://ratnagiritimes.in//assets/images/2020/add/2020/ad_400x270.jpg

latest # news

रत्नागिरी टाइम्स

https://ratnagiritimes.in//assets/images/2020/add/2020/sky24.jpg
रत्नागिरी टाइम्स
https://ratnagiritimes.in//assets/images/2020/add/2020/sky21.jpg
© 2020, Copyrights रत्नागिरी टाइम्स. All Rights Reserved. Website Design by KP TECHNOSYS