संविधान दिनानिमित्त मिशन तालुकास्तरीय लोकशाही परीक्षेचे आयोजन

2025-11-27 00:00:00

टाइम्स स्पेशल

आबलोली (संदेश कदम) - पंचायत समिती गुहागर आयोजित गटविकास अधिकारी मान.शेखर भिलारे यांच्या संकल्पनेतून इयत्ता चौथी, पाचवी, सहावी ,सातवीच्या विद्यार्थ्यांकरिता मिशन लोकशाही परीक्षेचे आयोजन करण्यात आले .विद्यार्थ्यांना संविधानाबाबत जागृती होऊन सखोल माहिती मिळावी तसेच स्पर्धा परीक्षेचा पाया मजबूत व्हावा या उद्देशाने गुहागर तालुक्यामध्ये अत्यंत नाविन्यपूर्ण असा उपक्रम घेण्यात आला , रत्नागिरी जिल्हा परिषदेच्या मुख्य कार्यकारी अधिकारी माननीय वैदेही रानडे, प्राथमिकचे शिक्षणाधिकारी मान.लोहार यांनी सदर उपक्रमाला भेट देऊन उपक्रमाचे कौतुक केले. स्पर्धेच्या या युगामध्ये अशा पद्धतीच्या स्पर्धा परीक्षेच्या आयोजनाची आवश्यकता त्यांनी विशद केली.

https://ratnagiritimes.in//assets/images/2020/add/2020/sky22.jpg

या स्पर्धा परीक्षेच्या आयोजनासाठी अत्यंत काटेकोर असे नियोजन करण्यात आले होते या चाळणी परीक्षेनंतर 5 डिसेंबर २०२५ रोजी तालुकास्तरावर 240 विद्यार्थ्यांची अंतिम परीक्षा घेण्यात येणार असून त्यातून प्राविण्य मिळविणाऱ्या विद्यार्थ्यांना दिल्ली व मुंबई येथे अभ्यास वर्गासाठी विद्यार्थ्यांची व शिक्षकांची निवड होणार आहे.सदर कार्यक्रमासाठी पंचायत समितीतील सर्व अधिकारी ,कर्मचारी, लोकप्रतिनिधी , सर्वतोपरी सहकार्य करणारी पंचायत समितीतील सर्व यंत्रणा, तसेच प्राथमिक शाळेतील सर्व शिक्षक वर्गांचा उत्स्फूर्त प्रतिसाद लाभला.त्याबद्दल गटविकास अधिकारी भिलारे साहेब यांनी सर्वांचे आभार व्यक्त केले .त्याप्रसंगी गुहागरचे गटशिक्षणाधिकारी श्री.गळवे ,पंचायत समिती गुहागरचे अधिकारी कारंडे , केंद्रप्रमुख वसावे व गुहागर तालुक्यातून सर्व भागातून आलेले सर्व शिक्षक बहूसंख्येने उपस्थित होते.