आमची भगिनी आर्थिक सक्षम होऊन स्वाभिमानाने जगली पाहिजे

Breaking News

टाइम्स स्पेशल: दिल्लीच्या मतदार यादीत फारच गोंधळ , भाजपाचे वरिष्ठ नेते लालकृष्ण आडवाणी, माजी मुख्यमंत्री मनीष सिसोदिया यांचे देखील नाव SIR च्या यादीमध्ये विसंगतीसह आढळले .
टाइम्स स्पेशल: वसईतील किल्ल्याच्या जेट्टीजवळ गणपतीच्या मूर्ती आढळल्याने रहिवाशांमध्ये संताप
टाइम्स स्पेशल: शिवखुर्दमध्ये ज्येष्ठांचा अनोखा सन्मान; ‘शिवखुर्द रत्न’ आणि ‘आदर्श माता’ पुरस्काराने गौरव
टाइम्स स्पेशल: साखरपा बस स्थानकात तरुणाच्या पायावरून एस.टी.चे चाक गेल्याने तरुण जखमी
टाइम्स स्पेशल: पालकमंत्री उदय सामंत यांच्या नेतृत्वावर विश्वास ठेवून वेळणेश्वर जि.प. गटात शिवसेनेत जाहीर पक्षप्रवेश
टाइम्स स्पेशल: गरजू मच्छीमारांना शेतकर्‍यांप्रमाणे शासकीय अनुदान मिळणार : अब्दुल बिजली खान
टाइम्स स्पेशल: गवाणे येथे इको-फ्रेंडली गणेशमूर्ती व सजावट स्पर्धा उत्साहात
टाइम्स स्पेशल: उद्योगमंत्री उदय सामंत यांनी नाणीजधाम येथे घेतले गणरायाचे दर्शन
टाइम्स स्पेशल: रायगड जिल्ह्यातील औद्योगिक क्षेत्रात मोठी खळबळ, 211 कारखान्याच्या जमिनी शासन जमा होणार
टाइम्स स्पेशल: वाटद एमआयडीसीतील डिफेन्स क्लस्टरचा पुनर्विचार होणार; उद्योगमंत्री उदय सामंत यांची मोठी घोषणा
टाइम्स स्पेशल: वाटद एमआयडीसी परिसरात प्रस्तावित असलेला ’डिफेन्स क्लस्टर’ (संरक्षण प्रकल्प) रद्द करण्यासाठी स्थानिक ग्रामस्थांचा एल्गार
टाइम्स स्पेशल: दिवे लावण्यासाठी पैसे आहेत, पण विद्यार्थिनींच्या वसतिगृहासाठी का नाहीत? राहुल गांधींनी मोदी सरकारला विचारले.
टाइम्स स्पेशल: 17 वर्षे जुन्या मुंबई-गोवा महामार्गाच्या खर्चात 48 टक्क्यांनी वाढ; प्रकल्पाचा खर्च तब्बल सुमारे 5500 कोटी रुपयांनी वाढला
टाइम्स स्पेशल: उत्साही नवतरुण कला मंडळासह तांबडीवाडी ग्रामस्थ मंडळाचा ‘एक दिवस गावासाठी’चा स्तुत्य उपक्रम
टाइम्स स्पेशल: मंडणगड-म्हाप्रळ-मुंबई मार्गावर दापोली फाटा येथे गुरांचा ठिय्या
टाइम्स स्पेशल: संगमेश्वरच्या चार एक्सप्रेससाठी ‘उंदीरमामा’ मैदानात!
टाइम्स स्पेशल: माभळेतील प्रज्वलचा मृतदेह ताब्यात घेतला पण ठेकेदारावर मनुष्यवधाचा गुन्हा दाखल करण्याची मागणी
टाइम्स स्पेशल: मालवण ग्रामीण रुग्णालयात 'सेवा संकल्प अभियान' अंतर्गत पोषण व ॲनिमिया जनजागृती दिन उत्साहात साजरा
टाइम्स स्पेशल: आंतरराष्ट्रीय स्वच्छता दिनानिमित्त आचरा समुद्रकिनारी स्वच्छता अभियान संपन्न
टाइम्स स्पेशल: मालवणात गौरी- गणपतीचे विसर्जन

Breaking News

आमची भगिनी आर्थिक सक्षम होऊन स्वाभिमानाने जगली पाहिजे - निलेश भगवान सांबरे

टाईम्स स्पेशल

2026-09-12 00:00:00

टाइम्स स्पेशल

आबलोली (संदेश कदम) - माझ्या सर्व भगिनींना मी नमस्कार करतो. आपण जिजाऊ संस्थेमार्फत गेले 28 वर्ष प्रयत्न करतोय की, विद्यार्थ्यांना उत्तम शिक्षण मिळाले पाहिजे तसेच आपल्या समाज बांधवांना उत्तम आरोग्यही मिळाले पाहिजे. गेल्या दहा-बारा वर्षापासून नुसतं टीव्ही बघून, मोबाईलच्या मागे लागून रिकामपणे या ओटीवरून त्या ओटीवर जाणाऱ्या भगिनींपेक्षा आमची भगिनी आर्थिक सक्षम होऊन स्वाभिमानाने जगली पाहिजे असे स्पष्ट प्रतिपादन जिजाऊ शैक्षणिक व सामाजिक संस्था महाराष्ट्र राज्य या संस्थेचे संस्थापक निलेश भगवान सांबरे यांनी केले. गुहागर तालुक्यातील आबलोली येथील सचिन कारेकर यांच्या गारवा कृषी पर्यटन केंद्र येथे मोफत शिलाई मशीन प्रशिक्षण केंद्राचे उदघाटन जिजाऊ शैक्षणिक व सामाजिक संस्था महाराष्ट्र या संस्थेचे संस्थापक निलेश भगवान सांबरे यांच्या हस्ते मान्यवरांच्या उपस्थितीत करण्यात आले. यावेळी जिजाऊ शैक्षणिक व सामाजिक संस्थेचे संस्थापक निलेश भगवान सांबरे यांचे आबलोली गावाच्या वतीने जंगी स्वागत करण्यात आले. यावेळी मार्गदर्शन करताना जिजाऊ संस्थेचे निलेश भगवान सांबरे पुढे म्हणाले की, आमच्या भगिनीला आजारपणासाठी पैशासाठी मुलाकडे किंवा नवऱ्याकडे हात पसरावे लागतात. आमची भगिनी मार्केटमध्ये गेली एखादी वस्तू तिला आवडली तर तिला कोणतीही अडचण येऊ नये मुलगी, मुलगा, नवरा पैसे देतो की नाय. पैशामुळे तिचा स्वाभिमान कुठेतरी मनापासून दुखावला जायचा. पैसे मागितले तर ती घरात किती काम करते याचं मोजमाप कोण करत नाही सकाळी सर्वांसाठी लवकर उठणारी माझी भगिनी आणि सर्वात लेट झोपणारी प्रत्येकासाठी त्याची आवड निवड जपणारी, आजारपणात काळजी घेणारी ती प्रत्येकाला आवडणाऱ्या भाज्या चपात्या आणि भाकऱ्या बनवायचं जेवण बनवायचं प्रत्येकाच्या आजारपणात काळजी घ्यायची पण तिच्या आरोग्याची काळजी घेण्यासाठी अनंत अडचणी येतात. महागाई वाढते मुलांच्या शिक्षणाचा खर्च वाढतोय आरोग्यवस्थेचा खर्च करतो अशा दोन्ही बाजूला बघताना तिचा स्वाभिमान जपायला हवा ते स्वाभीमानाने जगली पाहिजे अशा दृष्टीने महिला सक्षमीकरण नावाचे काम जिजाऊ संस्थेमार्फत हाती घेतले आहे त्यामुळे काळजी करण्याची गरज नाही माझ्या भगिनींना आर्थिक सक्षम करणारच असा निर्धार जिजाऊ संस्थेचे संस्थापक निलेश भगवान सांबरे यांनी मार्गदर्शन करताना व्यक्त केला.

https://ratnagiritimes.in//assets/images/2020/add/2020/sky22.jpg

निलेश भगवान सांबरे पुढे म्हणाले की, देशाच्या राष्ट्रपती महोदया आमच्या भगिनी आहेत. उद्योग व्यवसायातील आमच्या भगिनी उच्च पदावर पोहोचल्या पाहिजेत शिक्षणात ही आपल्या भगिनी पुढे आहेत यूपीएससी मार्फत जे अधिकारी नियुक्त होतात. पालघर जिल्ह्यामध्ये डांबोरी अल प्रकल्प आहे. तिथे देशांमध्ये दुसरी आलेली आपली भगिनी प्रकल्प अधिकारी म्हणून दोन दिवसापूर्वी नियुक्त झाली देशांमध्ये आज भगिनी पुढे येत आहेत रेल्वे चालवायला लागल्या आहेत विमान चालवत आहेत मग आमच्या रत्नागिरी मधल्या भगिनीं मुलांकडे, नवऱ्याकडे हात न पसरता त्या मुलांना नवऱ्याला पैसे देणाऱ्या झाल्या पाहिजेत. परवा ठाणे जिल्ह्यातल्या बदलापूर शहरात येथे गेलो तेथे महिला बचत गटाने 1958 साली शाळा काढली आजही महिला बचत गट ती शाळा चालवतात कुठच्याही शिक्षकाला पैसे न देता स्वतःचे योगदान स्वतः देतात आणि शाळा चालवतात. मला उद्या रत्नागिरीत तशी शाळा निर्माण करायची आहे त्यासाठी निधी आपण निर्माण करू आणि आमच्या भगिनी या शाळा सांभाळतील याची मला खात्री आहे. आई पेक्षा संस्कार देणारी कुणीच नसतं प्रत्येक विद्यार्थी हा अब्दुल कलाम साहेब किंवा लालबहादूर शास्त्री म्हणून घडला पाहिजे हा माझा विश्वास आहे असे स्पष्ट मत जिजाऊ संस्थेचे संस्थापक निलेश भगवन सांबरे यांनी व्यक्त करून.आबलोली येथे महिलांना प्रशिक्षणासाठी मोफत जागा देणाऱ्या सचिन कारेकर यांचाही निलेश भगवान सांबरे यांनी गौरव केला.

टाईम्स स्पेशल

यावेळी विचारपीठावर जिजाऊ शैक्षणिक आणि सामाजिक संस्थेचे संस्थापक निलेश भगवान सांबरे, महाराष्ट्र राज्याचे सचिव केदार चव्हाण, उद्योजक वसंतदादा उदेग, पोलीस पाटील महेश भाटकर, सरपंच वैष्णवी नेटके, गारवा कृषी पर्यटन केंद्राचे मालक आणि प्रगतशील शेतकरी सचिन कारेकर, जिजाऊ संस्थेचे जिल्हाध्यक्ष ऍड. महेंद्र मांडवकर, ग्रामपंचायत अधिकारी बाबुराव सूर्यवंशी आदी. मान्यवर उपस्थित होते. हा संपूर्ण कार्यक्रम यशस्वी करण्यासाठी जिजाऊ सामाजिक संस्थेचे कार्यकर्ते ऍड. प्रसाद जांगळे ओमकार तीवरेकर, अनंत डिंगणकर यांचेसह बचत गटाच्या सीआरपी तसेच बचत गटांच्या महिला आणि निर्मल ग्रामपंचायत आबलोलीच्या सर्व सदस्यांनी आणि ग्रामस्थांनी विशेष मेहनत घेतली होती. या संपूर्ण कार्यक्रमाचे संचालन ग्रामविकास अधिकारी बाबुराव सूर्यवंशी तसेच जिजाऊ संस्थेचे अमरजी राऊत यांनी केले.