भजन आणि जाखडी नृत्य हा कोकणच्या सांस्कृतिक वारशाचा अविभाज्य भाग

2026-09-16 00:00:00

टाइम्स स्पेशल

खेड : कोकणच्या संस्कृतीची ओळख असलेले भजन आणि जाखडी नृत्य ही केवळ मनोरंजनाची साधने नसून आपल्या समृद्ध लोकपरंपरेचा आणि सांस्कृतिक वारशाचा अविभाज्य भाग आहेत, असे प्रतिपादन शिवसेना गटनेते व प्रतोद श्री. निकेतन अनंत पाटणे यांनी केले.महाराष्ट्राच्या समाजकारणातील व राजकारणातील मोठे नाव असलेले शिवसेना नेते मा. श्री. रामदासभाई कदम यांनी मागील सुमारे ३० वर्षांपासून हजारो भजन व जाखडी नृत्य मंडळांना टाळ, मृदंग, पेटी, ढोलकी, वीणा, पखवाज व आर्थिक पाठबळ देऊन ही लोककला सेवा म्हणून जिवंत ठेवली आहे. आता त्यांच्याच पावलावर पाऊल ठेवत त्यांचे सुपुत्र व महाराष्ट्र राज्याचे गृहराज्यमंत्री नामदार श्री. योगेशदादा कदम हे पिढ्यानपिढ्या जपली गेलेली ही लोककला आजच्या आधुनिक युगातही तितक्याच अभिमानाने पुढे घेऊन जात आहेत.

https://ratnagiritimes.in//assets/images/2020/add/2020/sky22.jpg

कलाकारांना प्रोत्साहन, नव्या पिढीला लोककलेची ओळख आणि पारंपरिक कलांना व्यासपीठ मिळवून देणे हा उदात्त हेतू ठेवून यावर्षी देखील गणेशोत्सवाच्या पार्श्वभूमीवर जामगे निवासस्थानी अवघ्या रत्नागिरी जिल्ह्यातून भजन व जाखडी मंडळे आपली लोककला सादर करण्यासाठी येत आहेत आणि त्यांचा यथोचित सन्मान मा. भाई व ना. योगेशदादा व्यक्तिशः करीत आहेत.अशाच एका मंडळाचा सन्मान करण्याचा मान मला मिळाला, हे मी माझे भाग्य समजतो, अशी भावना श्री. निकेतन अनंत पाटणे, गटनेते व प्रतोद, खेड नगर परिषद यांनी व्यक्त केली.