माणगावात बुरुड समाजाचा भव्य मेळावा उत्साहात संपन्न , ढोल-ताशांच्या गजरात समाज एकजुटीचा जागर; गुणवंत विद्यार्थी, ज्येष्ठ नागरिक व समाजासाठी योगदान देणाऱ्या मान्यवरांचा गौरव

Breaking News

टाइम्स स्पेशल: दिल्लीच्या मतदार यादीत फारच गोंधळ , भाजपाचे वरिष्ठ नेते लालकृष्ण आडवाणी, माजी मुख्यमंत्री मनीष सिसोदिया यांचे देखील नाव SIR च्या यादीमध्ये विसंगतीसह आढळले .
टाइम्स स्पेशल: वसईतील किल्ल्याच्या जेट्टीजवळ गणपतीच्या मूर्ती आढळल्याने रहिवाशांमध्ये संताप
टाइम्स स्पेशल: शिवखुर्दमध्ये ज्येष्ठांचा अनोखा सन्मान; ‘शिवखुर्द रत्न’ आणि ‘आदर्श माता’ पुरस्काराने गौरव
टाइम्स स्पेशल: साखरपा बस स्थानकात तरुणाच्या पायावरून एस.टी.चे चाक गेल्याने तरुण जखमी
टाइम्स स्पेशल: पालकमंत्री उदय सामंत यांच्या नेतृत्वावर विश्वास ठेवून वेळणेश्वर जि.प. गटात शिवसेनेत जाहीर पक्षप्रवेश
टाइम्स स्पेशल: गरजू मच्छीमारांना शेतकर्‍यांप्रमाणे शासकीय अनुदान मिळणार : अब्दुल बिजली खान
टाइम्स स्पेशल: गवाणे येथे इको-फ्रेंडली गणेशमूर्ती व सजावट स्पर्धा उत्साहात
टाइम्स स्पेशल: उद्योगमंत्री उदय सामंत यांनी नाणीजधाम येथे घेतले गणरायाचे दर्शन
टाइम्स स्पेशल: रायगड जिल्ह्यातील औद्योगिक क्षेत्रात मोठी खळबळ, 211 कारखान्याच्या जमिनी शासन जमा होणार
टाइम्स स्पेशल: वाटद एमआयडीसीतील डिफेन्स क्लस्टरचा पुनर्विचार होणार; उद्योगमंत्री उदय सामंत यांची मोठी घोषणा
टाइम्स स्पेशल: वाटद एमआयडीसी परिसरात प्रस्तावित असलेला ’डिफेन्स क्लस्टर’ (संरक्षण प्रकल्प) रद्द करण्यासाठी स्थानिक ग्रामस्थांचा एल्गार
टाइम्स स्पेशल: दिवे लावण्यासाठी पैसे आहेत, पण विद्यार्थिनींच्या वसतिगृहासाठी का नाहीत? राहुल गांधींनी मोदी सरकारला विचारले.
टाइम्स स्पेशल: 17 वर्षे जुन्या मुंबई-गोवा महामार्गाच्या खर्चात 48 टक्क्यांनी वाढ; प्रकल्पाचा खर्च तब्बल सुमारे 5500 कोटी रुपयांनी वाढला
टाइम्स स्पेशल: उत्साही नवतरुण कला मंडळासह तांबडीवाडी ग्रामस्थ मंडळाचा ‘एक दिवस गावासाठी’चा स्तुत्य उपक्रम
टाइम्स स्पेशल: मंडणगड-म्हाप्रळ-मुंबई मार्गावर दापोली फाटा येथे गुरांचा ठिय्या
टाइम्स स्पेशल: संगमेश्वरच्या चार एक्सप्रेससाठी ‘उंदीरमामा’ मैदानात!
टाइम्स स्पेशल: माभळेतील प्रज्वलचा मृतदेह ताब्यात घेतला पण ठेकेदारावर मनुष्यवधाचा गुन्हा दाखल करण्याची मागणी
टाइम्स स्पेशल: मालवण ग्रामीण रुग्णालयात 'सेवा संकल्प अभियान' अंतर्गत पोषण व ॲनिमिया जनजागृती दिन उत्साहात साजरा
टाइम्स स्पेशल: आंतरराष्ट्रीय स्वच्छता दिनानिमित्त आचरा समुद्रकिनारी स्वच्छता अभियान संपन्न
टाइम्स स्पेशल: मालवणात गौरी- गणपतीचे विसर्जन

Breaking News

माणगावात बुरुड समाजाचा भव्य मेळावा उत्साहात संपन्न , ढोल-ताशांच्या गजरात समाज एकजुटीचा जागर; गुणवंत विद्यार्थी, ज्येष्ठ नागरिक व समाजासाठी योगदान देणाऱ्या मान्यवरांचा गौरव

2026-09-12 00:00:00

वावे-दिवाळी, इंदापूर — गौतम जाधव : माणगाव मध्येअखिल बुरुड समाज प्रतिष्ठान, महाराष्ट्र राज्य यांच्या वतीने माणगाव तालुक्यात प्रथमच आयोजित करण्यात आलेला भव्य बुरुड समाज मेळावा रविवार, दि. ३० ऑगस्ट २०२६ रोजी मानस बँक्वेट हॉल, माणगाव येथे मोठ्या उत्साहात व जल्लोषपूर्ण वातावरणात संपन्न झाला. ढोल-ताशांच्या गजरात झालेल्या या मेळाव्याचे उद्घाटन रायगड जिल्ह्याचे पालकमंत्री मा.भरत शेठ गोगावले यांच्या हस्ते करण्यात आले. यावेळी चंद्रपूरचे आमदार तथा समाजभूषण मा. किशोरभाऊ जोरगेवार यांची प्रमुख उपस्थिती होती. माणगावसह महाराष्ट्राच्या विविध भागांतून मोठ्या संख्येने बुरुड समाज बांधव या मेळाव्यास उपस्थित राहिले. समाजातील विविध घटकांना एकत्र आणत सामाजिक एकजूट, शैक्षणिक प्रगती आणि गुणवंतांचा सन्मान या उद्देशाने आयोजित करण्यात आलेल्या या मेळाव्यास उत्स्फूर्त प्रतिसाद मिळाला.

https://ratnagiritimes.in//assets/images/2020/add/2020/sky22.jpg

या कार्यक्रमात समाजातील ज्येष्ठ नागरिकांचा सन्मान म्हणून छत्री देऊन गौरव करण्यात आला. तसेच दहावी व बारावीच्या परीक्षेत ९० टक्क्यांपेक्षा अधिक गुण मिळविणाऱ्या गुणवंत विद्यार्थ्यांचा विशेष सत्कार करण्यात आला. इयत्ता पहिली ते पाचवीच्या विद्यार्थ्यांना दप्तर व वह्यांचे वाटप करण्यात आले. तसेच नववीतील विद्यार्थ्यांसह उच्चशिक्षित तरुण विद्यार्थ्यांचाही विशेष गौरव करण्यात आला.समाजाच्या उन्नतीसाठी तसेच कार्यक्रमाच्या यशस्वी आयोजनासाठी विशेष सहकार्य करणाऱ्या नगरसेवक, उद्योजक आणि प्रतिष्ठित व्यक्तींचा ‘समाजभूषण’ पुरस्कार देऊन सन्मान करण्यात आला. या मेळाव्यास उद्योजक मा. सदानंद गायकवाड (उरण) तसेच उद्योजक व निवृत्त पोलीस सहाय्यक अधीक्षक मा. प्रदीप माने (पनवेल) हे प्रमुख पाहुणे म्हणून उपस्थित होते.महाराष्ट्रातील नागपूर, चंद्रपूर, कोल्हापूर, पुणे, नाशिक, मुंबई, पनवेल, ठाणे, खेड, चिपळूण, दापोली तसेच रायगड येथून आलेल्या समाज बांधवांचा विशेष सन्मान करण्यात आला. संघटनेचे अध्यक्ष मा. आबासाहेब पवार, महासचिव मा. प्रकाश माने, खजिनदार मा. राजेंद्र नागे, जिल्हा प्रमुख मा. संदिभाई नागे आणि तालुका प्रमुख मा. संदेश महाले यांच्या हस्ते हा सन्मान करण्यात आला.

दरम्यान, हा भव्य मेळावा यशस्वी करण्यासाठी संघटनेचे कोकण विभागीय अध्यक्ष तथा शैक्षणिक, कला, क्रीडा व सांस्कृतिक प्रमुख डॉ. अजय आत्माराम मोरे, महिला आघाडीच्या सौ. अंकिता अजय मोरे तसेच त्यांच्या सहकारी टीमने विशेष मेहनत घेतली. त्यांच्या नियोजनबद्ध प्रयत्नांमुळे मेळाव्याला भव्य स्वरूप प्राप्त झाले.समाजाची एकजूट, शैक्षणिक प्रगती आणि नव्या पिढीला प्रोत्साहन देण्याचा संदेश देणारा हा मेळावा बुरुड समाजाच्या सामाजिक वाटचालीतील एक महत्त्वपूर्ण टप्पा ठरला.