अंधेरीत घरातच उभं राहिलं पोस्ट ऑफिस; पुन्हा जागा झाला पोस्टकार्डचा सुवर्णकाळ!

Breaking News

टाइम्स स्पेशल: दिल्लीच्या मतदार यादीत फारच गोंधळ , भाजपाचे वरिष्ठ नेते लालकृष्ण आडवाणी, माजी मुख्यमंत्री मनीष सिसोदिया यांचे देखील नाव SIR च्या यादीमध्ये विसंगतीसह आढळले .
टाइम्स स्पेशल: वसईतील किल्ल्याच्या जेट्टीजवळ गणपतीच्या मूर्ती आढळल्याने रहिवाशांमध्ये संताप
टाइम्स स्पेशल: शिवखुर्दमध्ये ज्येष्ठांचा अनोखा सन्मान; ‘शिवखुर्द रत्न’ आणि ‘आदर्श माता’ पुरस्काराने गौरव
टाइम्स स्पेशल: साखरपा बस स्थानकात तरुणाच्या पायावरून एस.टी.चे चाक गेल्याने तरुण जखमी
टाइम्स स्पेशल: पालकमंत्री उदय सामंत यांच्या नेतृत्वावर विश्वास ठेवून वेळणेश्वर जि.प. गटात शिवसेनेत जाहीर पक्षप्रवेश
टाइम्स स्पेशल: गरजू मच्छीमारांना शेतकर्‍यांप्रमाणे शासकीय अनुदान मिळणार : अब्दुल बिजली खान
टाइम्स स्पेशल: गवाणे येथे इको-फ्रेंडली गणेशमूर्ती व सजावट स्पर्धा उत्साहात
टाइम्स स्पेशल: उद्योगमंत्री उदय सामंत यांनी नाणीजधाम येथे घेतले गणरायाचे दर्शन
टाइम्स स्पेशल: रायगड जिल्ह्यातील औद्योगिक क्षेत्रात मोठी खळबळ, 211 कारखान्याच्या जमिनी शासन जमा होणार
टाइम्स स्पेशल: वाटद एमआयडीसीतील डिफेन्स क्लस्टरचा पुनर्विचार होणार; उद्योगमंत्री उदय सामंत यांची मोठी घोषणा
टाइम्स स्पेशल: वाटद एमआयडीसी परिसरात प्रस्तावित असलेला ’डिफेन्स क्लस्टर’ (संरक्षण प्रकल्प) रद्द करण्यासाठी स्थानिक ग्रामस्थांचा एल्गार
टाइम्स स्पेशल: दिवे लावण्यासाठी पैसे आहेत, पण विद्यार्थिनींच्या वसतिगृहासाठी का नाहीत? राहुल गांधींनी मोदी सरकारला विचारले.
टाइम्स स्पेशल: 17 वर्षे जुन्या मुंबई-गोवा महामार्गाच्या खर्चात 48 टक्क्यांनी वाढ; प्रकल्पाचा खर्च तब्बल सुमारे 5500 कोटी रुपयांनी वाढला
टाइम्स स्पेशल: उत्साही नवतरुण कला मंडळासह तांबडीवाडी ग्रामस्थ मंडळाचा ‘एक दिवस गावासाठी’चा स्तुत्य उपक्रम
टाइम्स स्पेशल: मंडणगड-म्हाप्रळ-मुंबई मार्गावर दापोली फाटा येथे गुरांचा ठिय्या
टाइम्स स्पेशल: संगमेश्वरच्या चार एक्सप्रेससाठी ‘उंदीरमामा’ मैदानात!
टाइम्स स्पेशल: माभळेतील प्रज्वलचा मृतदेह ताब्यात घेतला पण ठेकेदारावर मनुष्यवधाचा गुन्हा दाखल करण्याची मागणी
टाइम्स स्पेशल: मालवण ग्रामीण रुग्णालयात 'सेवा संकल्प अभियान' अंतर्गत पोषण व ॲनिमिया जनजागृती दिन उत्साहात साजरा
टाइम्स स्पेशल: आंतरराष्ट्रीय स्वच्छता दिनानिमित्त आचरा समुद्रकिनारी स्वच्छता अभियान संपन्न
टाइम्स स्पेशल: मालवणात गौरी- गणपतीचे विसर्जन

Breaking News

अंधेरीत घरातच उभं राहिलं पोस्ट ऑफिस; पुन्हा जागा झाला पोस्टकार्डचा सुवर्णकाळ!

टाइम्स स्पेशल

2026-09-16 00:00:00

टाइम्स स्पेशल

मुंबई : ( यशवंत कांबळे, दापोली ): एक काळ असा होता, जेव्हा माणसांच्या आयुष्यातील सुख-दुःखं, आनंदाच्या बातम्या आणि आपुलकीचे निरोप पोस्ट ऑफिसच्या माध्यमातून एका ठिकाणाहून दुसऱ्या ठिकाणी पोहोचायचे. पैसे पाठवायचे असोत, दूर गेलेल्या आपल्या माणसाची खुशाली कळवायची असो किंवा एखाद्या पत्राची आतुरतेने वाट पाहायची. पोस्ट ऑफिस आणि पोस्टमन हा त्या काळातील प्रत्येकाच्या आयुष्याचा अविभाज्य भाग होता.मात्र मोबाईल, इंटरनेट आणि WhatsAppच्या युगात संवाद काही सेकंदांचा झाला आणि पत्र लिहिण्याची सवयच जवळपास हरवून गेली. याच हरवलेल्या आठवणींना पुन्हा उजाळा देण्याचा एक सुंदर प्रयत्न संतोष जाधव यांनी केला आहे. अंधेरी येथील आपल्या घरातच त्यांनी चक्क एक छोटेसे पोस्ट ऑफिस उभे केले आहे. या माध्यमातून जुन्या काळातील पोस्ट ऑफिस, पोस्टमन आणि सर्वात महत्त्वाचं म्हणजे पोस्टकार्डचा सुवर्णकाळ पुन्हा अनुभवता येत आहे.

https://ratnagiritimes.in//assets/images/2020/add/2020/sky22.jpg

पूर्वी पाठवली जाणारी पोस्टकार्डची हुबेहूब प्रतिकृती तर या उपक्रमाचं खास आकर्षण ठरतेय. त्या पोस्टकार्डवरची जुनी अक्षरं… त्यावर लिहिलेली भावनिक वाक्यं… आणि माणसांच्या मनाला भिडणारे ते शब्द वाचताना पाहणारा अक्षरशः भावुक होतो. एखाद्या पोस्टकार्डवर आईची आठवण असते, कुठे गावची ओढ असते, तर कुठे आपल्या माणसाला सुखरूप असल्याची खात्री देणारे शब्द असतात.आणि विशेष म्हणजे, प्रत्येक पत्राची सुरुवात ज्या पद्धतीने व्हायची, त्या पद्धतीची एक ओळही इथे अनुभवायला मिळते. “आई, मी सुखरूप पोहोचलो आहे… काळजी करू नकोस.” “दादा, राखी मिळाली का?” “गणपतीला नक्की येईन…” अशा ओळी वाचताना फक्त शब्द दिसत नाहीत… तर त्या काळातली माणसं, त्यांचं नातं आणि त्यांची आपुलकी डोळ्यांसमोर उभी राहते.आणि हे सगळं दाखवताना त्यांनी बदललेला काळही तितक्याच सुंदर पद्धतीने उभा केला आहे. यासाठी संतोष जाधव यांनी चक्क दोन वेगवेगळी घरं तयार केली आहेत. एक घर अगदी ९०च्या दशकातील, तर दुसरं आजच्या म्हणजेच २०२६च्या काळातील! ९०च्या दशकातील घरात प्रवेश करताच जणू आपण पुन्हा त्या जुन्या काळात पोहोचतो. घरातील प्रत्येक बारकावा अगदी हुबेहूब साकारण्यात आला आहे. ते जुन्या पद्धतीचं लाकडी टेबल असो, कपाट असो किंवा त्या कपाटावर वर्षानुवर्षे साचलेली अडगळ… प्रत्येक गोष्ट त्या काळाची आठवण करून देते. घरातली मांडणी, वस्तू आणि छोट्या-छोट्या गोष्टींमधून त्या काळातील साधेपणा अक्षरशः जिवंत केला आहे.

टाइम्स स्पेशल

पण त्याचबरोबर आजचा २०२६चा काळ दाखवतानाही संतोष जाधव विसरलेले नाहीत. आधुनिक घरातील बदललेली जीवनशैली, उपलब्ध झालेल्या सुख-सोयी आणि तंत्रज्ञानामुळे घरात आलेला बदल इथे अगदी बारकाईने दाखवण्यात आला आहे.जणू काही एक घर सांगतंय — “आपण कसे होतो…”आणि दुसरं घर विचारतंय — “आपण आता कुठे आलोय?”दोन घरांमधलं हे अंतर फक्त काळाचं नाही…तर बदललेल्या जीवनशैलीचं, बदललेल्या सवयींचं आणि बदललेल्या नात्यांचंही आहे.आणि मग शेवटी येतं या सजावटीच आणखी एक सुंदर आव्हान…शेवटी चक्क पत्र लिहिण्याचं आव्हान!समोर अगदी खरं पोस्टकार्ड ठेवण्यात आलं आहे आणि येणारा प्रत्येक जण ते पोस्टकार्ड हातात घेत, जुन्या आठवणींमध्ये रमून पत्र लिहित आहे. विशेष म्हणजे, हे पत्र केवळ लिहायचं नाही… तर खरा पत्ता लिहायचा!कारण संतोष जाधव यांचं म्हणणं आहे—“तुम्ही फक्त पत्र लिहा… ते पोहोचविण्याची जबाबदारी आमची!”बाप्पा जाधवांच्या वतीने सुरू करण्यात आलेल्या या आगळ्यावेगळ्या उपक्रमाला नागरिकांकडूनही उत्तम प्रतिसाद मिळत आहे. पोस्टकार्ड हातात घेताना अनेकांच्या चेहऱ्यावर जुन्या आठवणी उमटत आहेत, तर नव्या पिढीला पत्र लिहिण्याचा अनुभव मिळत आहे.कधीकाळी ज्याची आतुरतेने वाट पाहिली जायची, तो पोस्टमन आज क्वचितच दिसतो. मात्र अंधेरीतील या छोट्याशा उपक्रमातून पुन्हा एकदा तो काळ जिवंत होताना दिसतोय.