राज्य आऊटसोर्सिंग कॉन्ट्रॅक्टर संघटनेच्या अध्यक्षपदी सचिन कोल्हापुरे यांची सलग तिसऱ्यांदा बिनविरोध निवड

Breaking News

टाइम्स स्पेशल: दिल्लीच्या मतदार यादीत फारच गोंधळ , भाजपाचे वरिष्ठ नेते लालकृष्ण आडवाणी, माजी मुख्यमंत्री मनीष सिसोदिया यांचे देखील नाव SIR च्या यादीमध्ये विसंगतीसह आढळले .
टाइम्स स्पेशल: वसईतील किल्ल्याच्या जेट्टीजवळ गणपतीच्या मूर्ती आढळल्याने रहिवाशांमध्ये संताप
टाइम्स स्पेशल: शिवखुर्दमध्ये ज्येष्ठांचा अनोखा सन्मान; ‘शिवखुर्द रत्न’ आणि ‘आदर्श माता’ पुरस्काराने गौरव
टाइम्स स्पेशल: साखरपा बस स्थानकात तरुणाच्या पायावरून एस.टी.चे चाक गेल्याने तरुण जखमी
टाइम्स स्पेशल: पालकमंत्री उदय सामंत यांच्या नेतृत्वावर विश्वास ठेवून वेळणेश्वर जि.प. गटात शिवसेनेत जाहीर पक्षप्रवेश
टाइम्स स्पेशल: गरजू मच्छीमारांना शेतकर्‍यांप्रमाणे शासकीय अनुदान मिळणार : अब्दुल बिजली खान
टाइम्स स्पेशल: गवाणे येथे इको-फ्रेंडली गणेशमूर्ती व सजावट स्पर्धा उत्साहात
टाइम्स स्पेशल: उद्योगमंत्री उदय सामंत यांनी नाणीजधाम येथे घेतले गणरायाचे दर्शन
टाइम्स स्पेशल: रायगड जिल्ह्यातील औद्योगिक क्षेत्रात मोठी खळबळ, 211 कारखान्याच्या जमिनी शासन जमा होणार
टाइम्स स्पेशल: वाटद एमआयडीसीतील डिफेन्स क्लस्टरचा पुनर्विचार होणार; उद्योगमंत्री उदय सामंत यांची मोठी घोषणा
टाइम्स स्पेशल: वाटद एमआयडीसी परिसरात प्रस्तावित असलेला ’डिफेन्स क्लस्टर’ (संरक्षण प्रकल्प) रद्द करण्यासाठी स्थानिक ग्रामस्थांचा एल्गार
टाइम्स स्पेशल: दिवे लावण्यासाठी पैसे आहेत, पण विद्यार्थिनींच्या वसतिगृहासाठी का नाहीत? राहुल गांधींनी मोदी सरकारला विचारले.
टाइम्स स्पेशल: 17 वर्षे जुन्या मुंबई-गोवा महामार्गाच्या खर्चात 48 टक्क्यांनी वाढ; प्रकल्पाचा खर्च तब्बल सुमारे 5500 कोटी रुपयांनी वाढला
टाइम्स स्पेशल: उत्साही नवतरुण कला मंडळासह तांबडीवाडी ग्रामस्थ मंडळाचा ‘एक दिवस गावासाठी’चा स्तुत्य उपक्रम
टाइम्स स्पेशल: मंडणगड-म्हाप्रळ-मुंबई मार्गावर दापोली फाटा येथे गुरांचा ठिय्या
टाइम्स स्पेशल: संगमेश्वरच्या चार एक्सप्रेससाठी ‘उंदीरमामा’ मैदानात!
टाइम्स स्पेशल: माभळेतील प्रज्वलचा मृतदेह ताब्यात घेतला पण ठेकेदारावर मनुष्यवधाचा गुन्हा दाखल करण्याची मागणी
टाइम्स स्पेशल: मालवण ग्रामीण रुग्णालयात 'सेवा संकल्प अभियान' अंतर्गत पोषण व ॲनिमिया जनजागृती दिन उत्साहात साजरा
टाइम्स स्पेशल: आंतरराष्ट्रीय स्वच्छता दिनानिमित्त आचरा समुद्रकिनारी स्वच्छता अभियान संपन्न
टाइम्स स्पेशल: मालवणात गौरी- गणपतीचे विसर्जन

Breaking News

राज्य आऊटसोर्सिंग कॉन्ट्रॅक्टर संघटनेच्या अध्यक्षपदी सचिन कोल्हापुरे यांची सलग तिसऱ्यांदा बिनविरोध निवड

टाइम्स स्पेशल

2026-09-12 00:00:00

टाइम्स स्पेशल

सावर्डे प्रतिनिधी : महाराष्ट्र राज्यातील आऊटसोर्सिंग क्षेत्रासाठी महत्त्वपूर्ण मानल्या जाणाऱ्या महाराष्ट्र राज्य आऊटसोर्सिंग कॉन्ट्रॅक्टर संघटनेच्या अध्यक्षपदी चिपळूण तालुक्यातील सावर्डे येथील उद्योजक व ठेकेदार श्री. सचिन भाऊसाहेब कोल्हापुरे यांची सलग तिसऱ्यांदा बिनविरोध निवड करण्यात आली आहे. त्यांच्या या निवडीमुळे सावर्डे परिसरासह चिपळूण तालुक्यात आनंदाचे वातावरण निर्माण झाले असून विविध स्तरांतून त्यांच्यावर अभिनंदनाचा वर्षाव होत आहे.नुकतीच अहिल्यानगर जिल्ह्यातील शिर्डी येथे महाराष्ट्र राज्य आऊटसोर्सिंग कॉन्ट्रॅक्टर संघटनेची वार्षिक सर्वसाधारण सभा आणि राज्यस्तरीय बैठक उत्साहात पार पडली. राज्यभरातील आऊटसोर्सिंग क्षेत्राशी संबंधित ठेकेदार, संस्था प्रतिनिधी आणि पदाधिकारी मोठ्या संख्येने या बैठकीस उपस्थित होते. बैठकीदरम्यान संघटनेच्या नवीन कार्यकारिणीची निवड करण्यात आली. यावेळी गेल्या दहा वर्षांपासून संघटनेचे नेतृत्व यशस्वीपणे सांभाळणारे श्री. सचिन कोल्हापुरे यांच्या कार्याचा गौरव करत त्यांची पुढील पाच वर्षांच्या कालावधीसाठी पुन्हा एकमताने अध्यक्षपदी बिनविरोध निवड करण्यात आली.

https://ratnagiritimes.in//assets/images/2020/add/2020/sky22.jpg

राज्यभरातील विविध शासकीय विभागांमध्ये कंत्राटी तत्त्वावर मनुष्यबळ पुरविण्याचे काम मोठ्या प्रमाणावर सुरू असून या क्षेत्रात कार्यरत असलेल्या कंपन्या, एजन्सी, ठेकेदार, बेरोजगार सहकारी संस्था आणि इतर सेवा पुरवठादार यांचे प्रतिनिधित्व महाराष्ट्र राज्य आऊटसोर्सिंग कॉन्ट्रॅक्टर संघटना करते. राज्य शासनाकडून मान्यता प्राप्त असलेली ही संघटना ठेकेदारांच्या विविध प्रश्नांवर शासनस्तरावर पाठपुरावा करत असून त्यांच्या अडीअडचणी सोडविण्यासाठी प्रभावीपणे कार्यरत आहे.संघटनेच्या माध्यमातून राज्यातील लाखो बेरोजगार युवक-युवतींना रोजगाराच्या संधी उपलब्ध करून देण्यात येत असून विविध शासकीय कार्यालये, विभाग आणि संस्थांमध्ये आवश्यक मनुष्यबळ पुरविण्याचे महत्त्वाचे कार्य केले जाते. या क्षेत्रातील धोरणात्मक प्रश्न, निविदा प्रक्रिया, कामगार कल्याण, वेतन विषयक बाबी आणि ठेकेदारांच्या हक्कांसाठी संघटना सातत्याने प्रयत्नशील असल्याचे सांगितले जाते. श्री. सचिन कोल्हापुरे यांच्या नेतृत्वाखाली संघटनेने गेल्या दशकात राज्यस्तरावर उल्लेखनीय कामगिरी केली आहे. त्यांच्या समन्वयक वृत्ती, संघटन कौशल्य आणि प्रश्न सोडविण्याच्या क्षमतेमुळे त्यांना ठेकेदारांमध्ये विशेष मानाचे स्थान प्राप्त झाले आहे. त्यामुळेच त्यांच्या नेतृत्वावर पुन्हा एकदा विश्वास व्यक्त करत राज्यभरातील सदस्यांनी त्यांची अध्यक्षपदी बिनविरोध निवड केली.

टाइम्स स्पेशल

या निवडीबद्दल सामाजिक, राजकीय, शैक्षणिक आणि व्यावसायिक क्षेत्रातील मान्यवरांसह राज्यभरातील ठेकेदारांनी त्यांचे अभिनंदन करून पुढील कार्यकाळासाठी शुभेच्छा दिल्या आहेत. त्यांच्या निवडीमुळे संघटनेचे कार्य अधिक गतिमान होईल, असा विश्वास सदस्यांनी व्यक्त केला आहे.