.jpg)
1.jpg)
2.jpg)
1.jpg)
1.jpg)
.jpg)
.jpg)
.jpg)
_(1).jpg)
.jpg)
_(1).jpg)
1.jpg)
8.jpg)
.jpg)
7.jpg)
6.jpg)
5.jpg)
4.jpg)
.jpg)
रत्नागिरी: गुंबद-सैतवडे परिसरात दरवर्षीप्रमाणे यंदाही पैगंबर मोहम्मद पैगंबर साहेब यांच्या जयंतीनिमित्त ईद-ए-मिलाद-उन-नबी अत्यंत उत्साहात, भक्तिमय आणि मंगलमय वातावरणात साजरी करण्यात आली. या सोहळ्याचे मुख्य आकर्षण ठरलेला भव्य जुलूस बुधवारी दुपारी मोठ्या दिमाखात काढण्यात आला. सर्व धर्मीय बंधुभाव आणि श्रद्धेचे प्रतीक ठरलेल्या या सोहळ्यात संपूर्ण परिसरातील नागरिक मोठ्या संख्येने सहभागी झाले होते. गुंबद मोहल्ला जमात यांच्या वतीने दरवर्षीप्रमाणे याही वर्षी ईद-ए-मिलादच्या विशेष कार्यक्रमांचे व भव्य जुलूसचे अत्यंत नियोजनबद्ध आयोजन करण्यात आले होते. बुधवारी दुपारी ठीक २.३० वाजता गुंबद मोहल्ला येथील ऐतिहासिक गुंबद मस्जिद येथून परंपरेनुसार या धार्मिक जुलूसला भक्तिमय वातावरणात सुरुवात झाली. 'ईद-ए-मिलाद-उन-नबी मुबारक'च्या घोषणेने आणि मिलादच्या सुरांनी संपूर्ण परिसर दुमदुमून गेला होता.
सैतवडे गावातील सामाजिक ऐक्य आणि सलोख्याचे दर्शन घडवत या जुलूसमध्ये गावातील गुंबद मोहल्ला, पेठ मोहल्ला, खतीब मोहल्ला आणि बोरसाई मोहल्ला या चारही प्रमुख मोहल्ल्यांतील आबालवृद्ध आणि नागरिक मोठ्या उत्साहाने सहभागी झाले होते. हातात धार्मिक पताका, रंगीबेरंगी छत्र्या आणि आकर्षक सजावट घेऊन नागरिक या मिरवणुकीत चालत होते. गुंबद मस्जिद येथून निघालेला हा जुलूस प्रथम पेठ मोहल्ल्यात पोहोचला. तिथे स्थानिक ग्रामस्थांच्या वतीने जुलूसचे जल्लोषात स्वागत करण्यात आले. त्यानंतर हा जुलूस गुंबद मोहल्ला, खतीब मोहल्ला आणि बोरसाई मोहल्ल्यातील निश्चित केलेल्या मार्गांवरून संथ गतीने मार्गक्रमण करत पुढे गेला. प्रत्येक मोहल्ल्यात नागरिकांनी या मिरवणुकीवर पुष्पवृष्टी करत आनंद व्यक्त केला. संपूर्ण परिसराला ईदनिमित्त आकर्षक रोषणाई आणि पताकांनी सजवण्यात आले होते.
चारही मोहल्ल्यांतील मुख्य रस्त्यांवरून फिरल्यानंतर सायंकाळी अत्यंत शांततेत आणि शिस्तबद्ध वातावरणात जुलूसचा समारोप करण्यात आला. या संपूर्ण सोहळ्यादरम्यान सर्व वयोगटातील नागरिकांनी मोठ्या संख्येने उपस्थित राहून परस्परांना ईद-ए-मिलादच्या शुभेच्छा दिल्या आणि सणाचा आनंद द्विगुणित केला. गुंबद मोहल्ला जमातच्या या यशस्वी आयोजनाबद्दल सैतवडे परिसरातील ग्रामस्थांनी समाधान व्यक्त केले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.