कॉमनवेल्थ टेबल टेनिस स्पर्धेत पनवेलच्या स्वस्तिका घोषची सुवर्ण झेप; लोकनेते रामशेठ ठाकूर यांच्या हस्ते सत्कार आणि ५० हजार रुपये बक्षिस

Breaking News

टाइम्स स्पेशल: सावंतवाडीत ऐतिहासिक मोती तलावावर नारळी पौर्णिमा उत्साहात साजरी; मानाचा सुवर्ण नारळ तलावात अर्पण
टाइम्स स्पेशल: खेड तालुक्यातील शिरवली, तळवट, शेलारवाडी धरणे तुडुंब; नातूवाडी, पिंपळवाडी ८० टक्क्यांवर, पाण्याची चिंता मिटली
टाइम्स स्पेशल: कॉमनवेल्थ टेबल टेनिस स्पर्धेत पनवेलच्या स्वस्तिका घोषची सुवर्ण झेप; लोकनेते रामशेठ ठाकूर यांच्या हस्ते सत्कार आणि ५० हजार रुपये बक्षिस
टाइम्स स्पेशल: सीजेआय सूर्यकांत यांच्या उपस्थितीत होणारा २०२६ चा दिक्षांत समारंभ रद्द
टाइम्स स्पेशल: पालकमंत्री भरतशेठ गोगावले यांची शिवसेना पनवेल शहर मध्यवर्ती कक्षाला भेट
टाइम्स स्पेशल: ४५० मेट्रिक टन कांदे घेऊन नाशिकहून विशेष 'कांदा एक्सप्रेसने दिल्लीला रवाना
टाइम्स स्पेशल: कळंबोलीतील वाहतूक कोंडीबाबत शिवसेना (उबाठा) पक्षाचे वाहतूक शाखेला निवेदन
टाइम्स स्पेशल: सहोदया कोकण विभाग आणि मानेज इंटरनॅशनल स्कूल यांच्या संयुक्त विद्यमाने सीटी आणि एआय या विषयावर अभिनव शिक्षक कार्यशाळा
टाइम्स स्पेशल: राष्ट्रवादी काँग्रेसतर्फे म्हसळ्यात पहिल्यांदाच लाखाची दहीहंडी, गोविंदा पथकांमध्ये उत्साह
टाइम्स स्पेशल: फुले-शाहू-आंबेडकर विचार प्रसारक मंडळ भोर या संस्थेची नवी मुंबईत शाखा स्थापन, चंद्रकांतदादा जगताप यांची अध्यक्षस्थानी निवड
टाइम्स स्पेशल: ‘श्रावण सखी २०२६’ — आनंद, परंपरा आणि उत्साहाचा अविस्मरणीय सोहळा
टाइम्स स्पेशल: नेपाळमधील अचानक आलेल्या पुरात पश्चिम बंगालमधील अनेक जण बेपत्ता, यात कोलकाता येथील ३२ जणांच्या गटाचाही समावेश
टाइम्स स्पेशल: कर्जमाफीच्या धोरणामध्ये मच्छिमारांची सर्व स्तरातील कर्जमाफीच्या निकषात समाविष्ठ करा, वेलदूर मच्छि. संस्थेचे वतीने मंत्री नामदार नितेश राणे यांना निवेदन
टाइम्स स्पेशल: भारतातील असे १० साप ज्यांना तुम्ही कधीही कमी लेखू नये.
टाइम्स स्पेशल: लांजा तालुक्यातील बौद्ध समाजाला विकास निधीची कमी पडू देणार नाही- आ. किरण सामंत
टाइम्स स्पेशल: गाड्या रद्द: या मार्गावरील अनेक गाड्या उद्यापासून ४ सप्टेंबरपर्यंत रद्द; रेल्वेकडून यादी जाहीर.
टाइम्स स्पेशल: 'आकाशाची राणी’ नवी मुंबई आंतरराष्ट्रीय विमानतळावर; पहिल्या बोईंग ७४७ मालवाहू विमानाचे आगमन
टाइम्स स्पेशल: दोन वर्षांनंतरही बांधकाम ठप्प; आरपीआयच्या पाठपुराव्याला यश ३० टक्के निधी प्राप्त, येत्या आठवड्यात काम सुरू करण्याचे बांधकाम विभागाचे आश्वासन
टाइम्स स्पेशल: कोकणातील चाकरमानी जनतेला खुशखबर, यंदा ९ आणि ११ सप्टेंबर रोजी सुटणार मोदी एक्सप्रेस
टाइम्स स्पेशल: आमदार दीपक केसरकर यांची ग्रामविकास राज्यमंत्री योगेश कदम यांच्याकडे आग्रही मागणी; दोडामार्ग शिक्षण विभागाची आस्थापना मंजूर करून रिक्त पदे भरण्याचे आश्वासन

Breaking News

कॉमनवेल्थ टेबल टेनिस स्पर्धेत पनवेलच्या स्वस्तिका घोषची सुवर्ण झेप; लोकनेते रामशेठ ठाकूर यांच्या हस्ते सत्कार आणि ५० हजार रुपये बक्षिस

टाईम्स स्पेशल

2026-08-27 00:00:00

टाइम्स स्पेशल

पनवेल : कॉमनवेल्थ स्पर्धेतील टेबल टेनिस चॅम्पियनशिप २०२६ मध्ये भारतीय संघाचे प्रतिनिधित्व करत पनवेलच्या स्वस्तिका संदीप घोष हिने सुवर्णपदक पटकावून देशासह पनवेल आणि महाराष्ट्राचा गौरव वाढविला आहे. जनार्दन भगत शिक्षण प्रसारक संस्थेच्या चांगू काना ठाकूर आर्ट्स, कॉमर्स अँड सायन्स कॉलेज, न्यू पनवेल (अधिकारप्रदत्त स्वायत्त) येथे इंग्रजी विभागात पदव्युत्तर शिक्षण घेणाऱ्या स्वस्तिकाने क्रीडा आणि शिक्षणाचा उत्कृष्ट समतोल साधत आंतरराष्ट्रीय स्तरावर आपल्या गुणवत्तेची छाप उमटविली आहे. स्वस्तिका घोष हिच्या या ऐतिहासिक यशाबद्दल जनार्दन भगत शिक्षण प्रसारक संस्थेचे चेअरमन, माजी खासदार लोकनेते रामशेठ ठाकूर यांनी आज (दि. २७ ऑगस्ट) तिचे अभिनंदन करून सत्कार केला. यावेळी त्यांनी स्वस्तिकाच्या यशाचे कौतुक करत तिच्या पुढील क्रीडा वाटचालीसाठी शुभेच्छा दिल्या त्याचबरोबर तिला ५० हजार रुपये बक्षिस दिले. यावेळी सीकेटी महाविद्यालयाचे प्राचार्य डॉ. एस.के.पाटील, जी. के. सुर्वे, क्रीडा प्रशिक्षक विनोद नाईक तसेच स्वस्तिकाचे वडील आणि तिचे प्रशिक्षक संदीप घोष आदी उपस्थित होते. स्वस्तिका घोष ही लहानपणापासूनच टेबल टेनिसकडे आकर्षित झाली. सातत्यपूर्ण सराव, कठोर मेहनत, शिस्त आणि खेळातील बारकावे आत्मसात करण्याची जिद्द या जोरावर तिने राष्ट्रीय तसेच आंतरराष्ट्रीय स्तरावर आपले स्थान निर्माण केले आहे.

https://ratnagiritimes.in//assets/images/2020/add/2020/sky22.jpg

वेगवान हालचाली, आक्रमक शैली, अचूक फटके आणि प्रसंगावधान ही तिच्या खेळाची प्रमुख वैशिष्ट्ये आहेत. प्रत्येक सामन्यात आत्मविश्वासाने खेळ करत तिने आपल्या कामगिरीत सातत्य राखले आहे. कॉमनवेल्थ टेबल टेनिस चॅम्पियनशिपमध्ये भारतीय संघाकडून खेळताना स्वस्तिकाने आपल्या अनुभवाचा आणि कौशल्याचा प्रभावी वापर केला. संघाच्या विजयासाठी महत्त्वपूर्ण योगदान देत तिने सुवर्णपदकावर आपले नाव कोरले. तिच्या या कामगिरीमुळे भारतीय टेबल टेनिसच्या भविष्यासाठी आशादायी चित्र निर्माण झाले असून, युवा खेळाडूंना मोठी प्रेरणा मिळाली आहे. विशेष म्हणजे, शिक्षण घेत असतानाच आंतरराष्ट्रीय स्तरावर क्रीडा क्षेत्रात यश मिळविणे ही स्वस्तिकाची कामगिरी कौतुकास्पद आहे. अभ्यास आणि क्रीडा या दोन्ही क्षेत्रांमध्ये समतोल राखत तिने विद्यार्थ्यांसमोर आदर्श निर्माण केला आहे. महाविद्यालयीन जीवनात मिळणाऱ्या संधींचा योग्य उपयोग करून राष्ट्रीय व आंतरराष्ट्रीय स्तरावर उल्लेखनीय कामगिरी करता येते, हे स्वस्तिकाने आपल्या यशातून दाखवून दिले आहे. महाविद्यालयाच्या वतीने तिच्या क्रीडा कारकिर्दीला सातत्याने प्रोत्साहन देण्यात येत आहे. स्वस्तिका घोषच्या सुवर्णयशामुळे पनवेलच्या क्रीडा क्षेत्रात उत्साहाचे वातावरण निर्माण झाले आहे. विविध क्रीडा प्रकारांमध्ये पनवेलमधील युवा खेळाडू उल्लेखनीय कामगिरी करत असताना स्वस्तिकाच्या यशाने या वाटचालीला आणखी बळ मिळाले आहे. तिच्या मेहनतीची, जिद्दीची आणि यशाची प्रेरणा घेऊन अनेक युवा खेळाडू आंतरराष्ट्रीय स्तरावर देशाचे प्रतिनिधित्व करण्याचे स्वप्न पाहतील, असा विश्वास व्यक्त केला जात आहे.

टाईम्स स्पेशल

कॉमनवेल्थ स्पर्धेत सुवर्णपदक मिळवून स्वस्तिका घोष हिने आपल्या महाविद्यालयाचा, जनार्दन भगत शिक्षण प्रसारक संस्थेचा, पनवेलचा तसेच महाराष्ट्र आणि देशाचा गौरव वाढविला आहे. तिच्या या देदिप्यमान कामगिरीबद्दल सर्व स्तरांतून अभिनंदन होत आहे. “स्वस्तिकाचे यश हे पनवेलच्या क्रीडा क्षेत्रासाठी अभिमानाचा क्षण असून, तिच्या मेहनतीतून आणि जिद्दीतून युवा खेळाडूंनी प्रेरणा घ्यावी. आंतरराष्ट्रीय स्तरावर भारताचे प्रतिनिधित्व करून सुवर्णपदक मिळविणे ही अत्यंत अभिमानाची बाब आहे. तिच्या पुढील वाटचालीसाठी संस्थेच्या वतीने मनःपूर्वक शुभेच्छा,” असे लोकनेते रामशेठ ठाकूर यांनी यावेळी स्वस्तिकाला शुभेच्छा देताना म्हटले. तर स्वस्तिकाला मिळालेले सुवर्णपदक जनार्दन भगत शिक्षण संस्थेला समर्पित करत असल्याची भावना, संदीप घोष यांनी व्यक्त केली.